Visitei hoxe a Feira Internacional "Fitur" que celébrase desde
o mércores 21 de xaneiro ata o domingo 25 no IFEMA de Madrid. Ata o venres 23, Fitur está unicamente aberto
a profesionais do sector turismo.
Esta Feira organizada por IFEMA MADRID na súa 46ª edición volve situarse no epicentro do turismo mundial e consolídase como a plataforma global do sector e defínese pola súa aposta polo coñecemento e o fortalecemento da súa dimensión internacional.
Así o subliñan as cifras presentadas pola organización: 9 pavillóns, 10.000 empresas representadas de 161 países, 111 deles con representación oficial -10 máis que na pasada edición- e 967 expositores titulares.
Incorpóranse 18 países a FITUR 2026, procedentes sobre todo de África e Asia-Pacífico, rexións que, segundo ONU Turismo, lideraron o crecemento mundial con +10% e +8% en chegadas, respectivamente, e incrementos en FITUR do 34% e 22% de superficie expositiva. Entre os novos destinos participantes, atópanse Abu Dabi, Dubái, Zanzíbar e rexións de Alemaña e Reino Unido, entre outros.
Estiven a maior parte do tempo no expositor da comunidade,
situado no pavillón 9, organizado baixo o lema ‘Galicia Calidade’ e quere
converterse na porta de entrada á terra para as persoas, profesionais e
visitantes, que se acheguen a coñecer as propostas turísticas galegas.
Ao longo destas tres xornadas, o stand de Galicia acolle
máis de medio centenar de actividades promocionais, mostras e faladoiros.
Estiven na presentación destas promocións turíticas:
RIBEIRA SACRA, CANDIDATURA A PATRIMONIO DA HUMANIDADE
CAMIÑO PORTUGUÉS DA COSTA INCLUSIVO
800 ANOS DA CONSAGRACIÓN DA CATEDRAL DE TUI
ASOCIACIÓN DE MUNICIPIOS DO CAMIÑO DE INVERNO A SANTIAGO: VINTE MUNICIPIOS, UNHA SOLA VOZ
TERMATALIA 2026 (24/25 de setembro) e XANTAR 2026 (19/22 de novembro)
Tamén nesta FEIRA ten unha importante presenza o sector do transporte por marítimo, aéreo e por estrada. Chamoume a atención o stand da empresa galega Mombus, con un imponente autobús de dous pisos que fai a liña Galicia-Barcelona e Galicia-Madrid. Impresionante.
O transporte ferroviario por mor do tráxico accidente de Adamuz derivou en que non estiveran presentes as operadoras Renfe, Iryo e Ouigo. E tampouco houbo actividade no stand de ADIF e do MiITMA. Unha decisión acertada.
