O 23 de setembro de 2020 asistín á posta en servizo do tramo da autovía A-56 entre A Barrela (Carballedo) e San Martiño (Vilamarín), nas provincias de Lugo e Ourense. Un treito que permitirá conectar na Barrela, coa N-540 e en As Lamas, coas estradas autonómicas LU-901 e OU-901, conectando así a A-56 co eixo de comunicación denominado “Eixo do Ribeiro”, cara a Cea, O Carballiño e a AG-53, dando servizo aos núcleos de poboación da contorna.
Foi un día de gran satisfacción para a min, pois despois de moitos anos
de seguimento e impulso vímolo aberto ao tráfico.
Como é coñecido, este tramo tivo un longo e tortuoso historial: as obras foron
adxudicadas polo Ministerio de Fomento o 12 de agosto de 2008. O 22 de xullo de
2010, o entón ministro José Blanco anunciou a rescisión dos contratos de Sanmartiño-A Barrela Norte e da ligazón.
Finalmente, no ano 2014 conséguese
evitar a rescisión dos contratos e as obras retomáronse en xullo de
2015, sendo ministra Ana Pastor.
Despois a obra tivo varias complicacións, entre elas un modificado do
viaduto sobre o río Bubal, o que unido a
outros factores, implicou unha enorme demora do prazo de conclusión.
A pesar da apertura do tramo
citado, a preocupación polo futuro desta autovía é moi grande tendo en conta a
situación do resto dos treitos, confirmado polas dotacións que o goberno
socialista prevé na Lei de Orzamentos Xerais do Estado para 2021 recen
aprobados.
No trámite parlamentario preguntamos ao MITMA ¿Que, explicación dá o Goberno á ínfima consignación de tan só 100.000
€ para o proxecto da A-56 entre Quintela-A Casilla, e de tan só 100.000 € para
o proxecto da A-56 entre A Casilla- Cambeo- Sanmartiño. E tamén sobre a non
inclusión nos PGE 2021 dunha partida para o
intercambiador de Guntín, Lugo, entre a A-54 e a A-56 e que nos PGE-18 dispoñía
para iso de 2,5 M€?
Estas respostas evidencian, ao meu xuízo, un enorme desinterese por parte do MITMA en impulsar esta autovía. Xa o vimos no que se refire aos dous primeiros tramos da A-56, é dicir os que conforman o Variante Norte de Ourense, desde Eirasvedras por Quintela ata A Casilla.
Pero é aínda máis
grande a desidia gobernamental en apostar por avanzar nos proxectos que van
desde A Casilla, por Cambeo ata Sanmartiño.
Si se fixese o treito de Cambeo-San Martiño sería posible
conectar directamente a Autovía coa Nacional-540. Trátase dun treito de 9
quilómetros que precisa dun investimento de 73 millóns de euros e a sua construción é fundamental para darlle
funcionalidade ao tramo San Martiño- A Barrela Norte que se acaba de abrir ao
tráfico.
Doutra parte o intercambiador
de Guntín é unha infraestrutura de importancia fundamental para canalizar un
gran volume de tráfico en Lugo. O seu custo estimado é de 13,2 millóns de
euros.
O propósito dos parlamentarios populares no Congreso é continuar no ano 2021 plantexando constantes iniciativas parlamentarias para impulsar a
tramitación destes tramos e levando ás Cortes Xerais, as reivindicacións dos Alcaldes dos concellos lucenses e ourensáns afectados e
tamén dos colectivos sociais e empresariais que integran a Plataforma A-56.
Estamos diante
dun eixe vertebrador do interior de Galicia que foi planificada como unha
vía de nova construción que parte da
autovía Lugo-Santiago en Guntín, e chega ata a A-52 en Ourense. A súa
construción beneficiaría a 250.000 habitantes.
