No proxecto de PXE para 2021 que o Goberno socialista presentou en outubro de 2020 confirmouse o nulo interese en impulsar a Autovía A-76 entre Ourense e Ponferrada.
Se en 2018 a Lei
de PXE contemplaba unha consignación
total de 4.810.620 € para todos os tramos da A-76, agora para 2021 consignábanse
tan só 500.000 euros.
Destacaba
especialmente o agravio que supoñía que no treito máis avanzado, o proxecto do
tramo A Veiga de Cascallá – O Barco de
Valdeorras, que debería estar desde 2019 en condicións de ver licitar as obras,
recibía unha ridícula consignación de 100.000 €, cando nos PXE de 2018 tivo unha partida de 3 millóns.
Neste sentido, hai
que lembrar que o Ministerio de Fomento aprobou, tal e como se publicaba o 10
de maio de 2018 no Boletín Oficial do Estado, o expediente de información
pública do proxecto de trazado deste treito.
O treito Requejo- A
Veiga de Cascallá recibía unha ridícula
consignación de 100.000 €. E no treito leonés de Villamartín de la Abadía-Requejo, tan só
100.000 €
No trámite
parlamentario no Congreso, formulamos preguntas parlamentarias ao Goberno sobre
estas ínfimas consignacións e o MITMA
respondeunos que “nos tramos Requejo-A
Veiga de Cascallá e A Veiga de Cascallá-O Barco de Valdeorras da autovía
A-76 Ponferrada-Ourense consígnanse 200 mil euros para proseguir cos proxectos”
Unha resposta que
non distinguía entre dous proxectos que teñen un nivel de desenvolvemento
diferente. No máis próximo ao Barco, as posibilidades de licitación de obras
eran absolutas, mentres que no fronteirizo entre Ourense e León, aínda non
concluíu a redacción do proxecto.
Os parlamentarios
do PP presentamos emendas no Congreso e no Senado, para elevar as contías
destes tramos, pero todas foron rexeitadas.
A miña conclusión
sobre o acontecido este ano 2020 en relación coa A-76, é que hai un maiúsculo
desinterese do MITMA e dunha maneira moi
especial da Dirección Xeral de Estradas.
A Subdirección Xeral de Proxectos desa mesma Dirección Xeral está a frear en seco e de forma deliberada, calquera actuación que supoña un avance real desta autovía. E isto nada ten que ver coa pandemia, porque todo isto vén producíndose antes do mes de marzo de 2020.
O exemplo máis
patente é o tramo Veiga de Cascalla- O
Barco, o tramo ourensán de 8,4 km. O 10 de maio de 2019 foi aprobado o expediente de información
pública deste tramo. En xullo de 2019 dixéronnos, nunha resposta escrita, que
tiñan que someter a información pública unha ligazón, unha pequena ligazón de
acceso a Biobra; en setembro de 2020, é
dicir un ano despois, nunha resposta a unha pregunta escrita deste deputado,
contestábannos que estaban a modificar un contrato de consultoría. É dicir, o
tramo máis avanzado, o que ten máis
posibilidades de ser obxecto de licitación e que podía ser licitado en
2019, o
MITMA deliberadamente, está a aprazalo sine die e o colmo dos colmos é
nos Orzamentos Xerais do Estado feitos polo socialistas para no que consignaron para este tramo 100.000 €
cando no orzamento do ano 2018 tiña este mesmo tramo 3.000.000 €.
En 2021, este
deputado seguirá facendo un férreo control e impulso desta autovía que
consideramos fundamental para Galicia e Castilla-León, pero sobre todo para as
comarcas de Lemos, Valdeorras e do Bierzo. Imos investigar as razóns polas que os contratos destas
obras foron suspendidos e a esixir explicacións, pero sobre todo demandar solucións.
