Non imos renunciar a que o Goberno socialista pague a Galicia os 370 M€ que lle debe


Hoxe o  Consello de Ministros adoptou un Acordo sobre os criterios de aplicación da prórroga orzamentaria na repartición das entregas a conta das Comunidades Autónomas e as Entidades Locais correspondentes a 2020.

Desta maneira, as entregas a conta comunicadas inicialmente ás Comunidades Autónomas para este exercicio ascenden a 103.000 millóns de euros. A Galicia  corresponderíanlle  segundo eses cálculos 7.372 millóns de euros. Os territorios empezarán a recibir estes anticipos nos próximos días.

María Jesús Montero, ministra de facenda e voceira do Goberno, afirmou en roldade prensa tamén que non lles vai pagar ás comunidades o que lles debe do IVE de 2017, porque di que xa pasou o prazo. Dixo que “o sistema de financiamento permíteche corrixir aos dous anos, non despois. Tocaba no ano 2019 e por parte do PP non se quixo facer, así que agora é mposible". No caso de Galicia son 200 millóns de euros que deixará de ingresar.

Estou aínda sorprendido da desvergoña da ministra que non quere devolver aos galegos o que lles corresponde.

Esta mesma tarde o presidente da Xunta, Alberto Núñez, cualificou esta inxusta  decisión dicindo que “a tomadura de pelo está a ser xa continuada e empeza non só a ser de mal gusto, senón que empeza a ser groseira"

Feijóo, reaccionou afirmando que non se descarta actuación, entre elas acudir á vía xudicial, para reclamar ao Goberno central que abone a Galicia os 200 millóns que lle debe pola liquidación da última mensualidade de IVE do ano 2017.

Identificou á Administración estatal como "a principal morosa" de Galicia e esixiu que se abonen os 370 millóns de euros que estipula que lle deben, ao incluír neste cálculo a prima para as Comunidades autónomas cumpridoras cos obxectivos de déficit prevista polos anteriores gobernos do PP.

"Están a pagar con diñeiro da Xunta de Galicia o incremento das pensións, o incremento do salario dos empregados públicos da Administración do Estado", dixo Feijóo.

Non imos renunciar ningún dos parlamentarios do PP no Congreso a esixir ao Goberno socialista que pague a Galicia o que debe.  



Con la tecnología de Blogger.