Esta mañá os deputados
ourensáns no Congreso, Celso Delgado e Ana Vázquez, apremiamos ao goberno
socialista en funcións para que, dun xeito urxente, proceda a licitación das
obras correspondentes ao tramo da variante norte de Ourense,
Eirasvedras-Quintela. Unha situación, dicimos “para a que no quedan máis escusas
cando tan só restan catro meses para licitar os traballos”.
Na nota de prensa manifestamos
que: “Xa en xullo e grazas a unha pregunta parlamentaria dos deputados Celso
Delgado e Ana Vázquez, relativa á variante norte de Ourense, coñecíase que por
fin o citado proxecto fora sometido á Auditoría de Seguridade Viaria -despois
de meses de longa espera- e tamén que o proxecto de construción do tramo
Eirasvedras e a estrada N-120, no seu
punto qm. 573,800, ata a ligazón de Quintela, no seu pq. 572,000, fora
aprobado pola Dirección Xeral de Estradas o pasado día 22 de abril de 2019 cun
orzamento de licitación de 34,31 millóns de euros.
Unha esperada nova que se tiña
que producir no ano 2018, pero que foi deliberadamente adiada polos novos
responsables socialistas do Ministerio de Fomento.
Requerido polos deputados sobre
as previsións de licitación, o ministerio respondía o 3 de xullo, sen
comprometer data algunha, que “tratándose dunha das actuacións prioritarias,
procederase a licitar as obras na medida que o permita a dispoñibilidade
orzamentaria”.
Neste punto e cando xa non
caben máis escusas, compre lembrar de novo que nos Orzamentos Xerais do Estado
-elaborados polo executivo de Rajoy e aínda prorrogados- existe unha partida consignada de 2,5
millóns de euros para licitar as obras deste tramo e, polo tanto, existe
claramente disponibilidade orzamantaria e o único que é preciso e vontade
política de licitar.
Compre non esquecer tamén que Pedro
Sánchez presentou a principios deste ano un proxecto de OXE para 2019 no que
para este tramo non existía consignación alguna, o que provocou enormes
protestas. Afortunadamente estos orzamentos foron rexeitados.
Mentres o goberno en funcións
de Pedro Sánchez marxina a variante norte de Ourense, segue a licitar contratos
de obras doutras estradas en varias provincias do Estado, como por exemplo:
-Obras autovía A-12, do Camiño de
Santiago. Tramo: Santo Domingo da Calzada-Villamayor do Río (14,4 qm), na
Rioxa e Burgos, cun orzamento de licitación de 97,6 millóns de euros. BOE do
23 de xullo.
-Obras da nova ligazón na autovía A-67,
Cantabria-Meseta, punto qm 108,750 ao 110,500 (1,8 qm). Tramo: Aguilar de
Campoo-Mataporquera”, na provincia de Palencia e a comunidade autónoma de
Cantabria, cun orzamento de licitación que ascende a 4 millóns de euros BOE do
21 de agosto.
O presidente Sánchez ten a
responsabilidade, e tamén a capacidade, de impulsar unha das infraestruturas
máis urxentes e importantes para Ourense, como é a variante norte, e polo
tanto os deputados ourensáns do PP no Congreso esiximos ao Goberno que leve xa
ao Consello de Ministros este
expediente é licite as obras do tramo Eirasvedras-Quintela e deixe de expoñer
condicionantes orzamentarios, inxustificados. “
