Viaxo hoxe por estrada a Madrid e no
traxecto visito as obras da nova estación
Unha estación que se
sitúa na localidade de Otero de Sanabria, no termo municipal
de Palacios de Sanabria, e cuxo acceso se realizará a través dun
novo viario de conexión coa estrada nacional N-525, que á súa vez enlaza
coa autovía das Rías Baixas (A-52).
Un contrato, por importe ascende a
4.009.940 euros (IVE incluído), que foi adxudicado por Adif alta
Velocidade á UTE COPISA- EASA.
Visitara este mesmo lugar, primeiro o
4 de xaneiro e logo o 26 de febreiro e resulta evidente que desde aquela última data
as obras avanzaron dunha maneira significativa como o acreditan as fotos que
acompaño, que poden comprarase coas anteriores:
Un proxecto de estación que comprende
as seguintes actuacións:
- O novo edificio de viaxeiros.
- A construción dun novo tramo de
160 m de lonxitude que conecte o viario de acceso ao PAET (Posto de
Adiantamento e Estacionamento de Trens) coa urbanización da estación.
- A urbanización da estación: praza de
acceso e áreas peonís.
- Aparcadoiro en superficie.
- Pasarela de conexión entre
plataformas, escaleiras e rampla.
- Plataformas (soleira, pavimentos e
pezas de bordo).
- Marquesiñas.
- Revexetación de noiros e
restauración do ámbito de actuación.
Convén lembrar que as obras de
construción da estación de alta velocidade de Sanabria que están case
rematadas non afectan as probas que xa se están realizando como paso
previo á posta en servizo da liña.
Espero
que cando reciba a pertinente autorización, comece a dar servizo esta estación, o que contribuirá ao éxito e a sustentabilidade operativa da liña para
que un maior número de posibles pasaxeiros residentes ao longo dela poidan
utilizala.
Recibirá resposta
