A ocupación no mes creceu en 211.752 traballadores
(1,10%); e nos últimos 12 meses o sistema aumenta en máis de medio millón
(526.446), un 2,78%.
Este mes de maio rexistra por primeira vez unha cifra
de mulleres ocupadas por encima dos 9 millóns (9.043.749). En canto aos homes,
a cifra de traballadores alcanza os 10.398.364.
O Réxime Xeral alcanza 16.097.438 persoas afiliadas,
trátase do rexistro máis alto da serie histórica.
Respecto a 2018
En relación ao ano pasado, o Sistema gañou 526.446 ocupados,
o 2,78%. Destaca o bo comportamento do Réxime Xeral, que incorpora 510.814 traballadores (3,28%).
Dentro do Réxime Xeral, o Sistema Especial Agrario
practicamente mantense, aínda que computa 530 persoas ocupadas menos (-0,07%),
mentres que o Sistema Especial do Hogar rexistra 13.282 afiliados menos
(-3,16%).
O número de afiliados no Réxime Especial de
Traballadores Autónomos experimentou un incremento interanual de 16.457
ocupados (0,50%). O Réxime do Mar baixou en 0,15% (98) e o Carbón rexistrou un
descenso de 728 traballadores (-32,15%).
No último ano, a afiliación á Seguridade Social creceu
en todas as comunidades autónomas, encabezadas por Madrid (3,50%), a Comunidade
Valenciana (3,38%); Castela-A Mancha e
Región de Murcia (3,28%).
Respecto a abril
O Réxime Xeral protagonizou esta subida con 200.386
afiliados máis (1,26%), ata situarse en 16.097.438 traballadores. Neste réxime,
a afiliación creceu en termos absolutos na maioría dos sectores de actividade,
principalmente en Hostalería, que suma 76.591 ocupados neste mes (5,72%);
Actividades Administrativas e Servizos Auxiliares (23.157), Actividades
Sanitarias e Servizos Sociais (16.193) e Comercio; Reparación de Vehículos de
Motor e Motocicletas (12.528). Descende lixeiramente en Actividades Financeiras
e de Seguros (-120).
O Sistema Especial de Empregados do Hogar diminuíu en 1.140 persoas ocupadas
(-0,28%) e agora alcanza os 406.865. En canto ao Sistema Especial Agrario,
gañou 25.894 afiliados de media (3,31%), ata situarse en 808.255.
O Réxime de Autónomos conta con 3.277.855 persoas,
tras aumentar en 11.114 (0,34%) no último mes. O Réxime Especial do Mar, pola
súa banda, sumou 272 ocupados (0,42%) ata situarse en 65.284 ocupados.
Finalmente, o Carbón sitúase en 1.537 afiliados medios (-21).
En maio, a afiliación subiu en case todas as
comunidades autónomas, e con especial intensidade en Illas Baleares, que suma
52.528 persoas (10,40%). Unicamente baixa en Canarias (-478)
O dato
desestacionalizado, que serve para facer un seguimento da tendencia de
fondo que subxace na evolución da afiliación, mostra un crecemento de 26.549
traballadores respecto ao mes de abril.
Destaca a relación afiliado/pensionista, que se sitúa
en 2,32.
Galicia:
O número medio de afiliados á Seguridade
Social situouse o pasado mes de maio en 1.018.406 ocupados, cifra que
supuxo un aumento de 7.814 persoas afiliadas máis respecto ao mes anterior
(0,77 %).
A afiliación ao Réxime Xeral terminou maio con 796.943 afiliados medios, o Réxime de Autónomos con 210.890 afiliados medios, e o Réxime do Mar finalizou con 20.572 afiliados medios.
A afiliación ao Réxime Xeral terminou maio con 796.943 afiliados medios, o Réxime de Autónomos con 210.890 afiliados medios, e o Réxime do Mar finalizou con 20.572 afiliados medios.
As afiliacións á Seguridade
Social aumentaron en 20.315 no último ano, unha subida do 2,04 %, sumando xa seis anos de subidas
consecutivas nun mes de maio, o que sitúa a Galicia a un nivel superior ao
reflectido hai 9 anos.
Ourense:
O número medio de afiliados á Seguridade Social situouse o pasado mes de maio en 102.581 ocupados, cifra que supuxo un descenso de 828 persoas afiliadas respecto ao mes anterior (-0,81 %).
En términos anuais, a afiliación no total
do Sistema rexistrou nesta provincia un incremento de 432 ocupados (0,42
%).
A afiliación ao Réxime Xeral rematou abril
con 78.728 afiliados medios e o Réxime de Autónomos con 23.853 afiliados
medios.
Recibirá resposta
