- Informaba onte Adif Alta Velocidade ( Adif AV) que adxudicou o contrato de servizos de consultoría e asistencia para o control e vixilancia das obras de remodelación de vías e plataformas da estación de Ourense.
O obxecto do contrato é a prestación de servizos de asistencia e consultoría para o apoio técnico e económico necesario á dirección de obra, para a correcta execución dos traballos de remodelación de vías e plataformas da terminal.
O contrato foi adxudicado a GPO Enxeñería e Arquitectura por un importe de 646.663,05 euros (IVE incluído).
Remodelación de vías e plataformas da estación de Ourense
Os traballos de remodelación de vías e plataformas da estación de Ourense, cun orzamento de 13.695.205,91 euros (IVE incluído), teñen como obxectivo adaptar a terminal aos novos servizos de alta velocidade da LAV Madrid-Galicia.
Estas obras cínguense exclusivamente á zona de vías e plataformas, e son independentes do proxecto de estación intermodal deseñado para a terminal ourensá.
Ademais actuarase no paso inferior e as marquesiñas, e levarán a cabo outros traballos en materia de electrificación e instalacións de seguridade
