Coñecemos onte que Adif Alta Velocidade aprobou a licitación do contrato de servizo de execución dos traballos de tratamento de perfil e amolado de carril do tramo en construción Zamora-Pedralba de la Pradería, na Liña de Alta Velocidade ( LAV) Madrid-Galicia, pertencente ao novo acceso ferroviario Norte-Noroeste de alta velocidade. O orzamento de licitación deste contrato é de 695.626,59 euros (IVE incluído), cun prazo de execución de seis meses.
Informa o Administrador que as operacións de tratamento de perfil e amolado consisten na obtención da xeometría requirida polos carrís para unha rodaxe óptima do material circulante, xeometría que non é posible alcanzar na súa totalidade mediante o proceso de produción en fábrica.
Como resultado destas operacións conséguese unha correcta interacción roda-carril, en perfectas condicións de seguridade e fiabilidade.
Este tratamento previo é habitualmente necesario á entrada en servizo dunha nova vía e consegue os seguintes efectos beneficiosos:
- Minora posibles defectos de fabricación.
- Elimina a capa de material descarburada, conseguindo un carril máis resistente e atrasando a formación do desgaste ondulatorio.
- Elimina os danos de montaxe.
- Logra homoxeneizar e mellorar a inclinación transversal e a continuidade da superficie de rodaxe.
Recibirá resposta
