Seguen as boas noticias para as obras de acceso ferroviario en alta velocidade a cidade de Ourense.
 |
| Viaduto sobre o río Miño |
Adif Alta Velocidade informa hoxe
que aprobou a licitación de actuacións complementarias no tramo
Taboadela-Ourense, sobre a plataforma ferroviaria existente, por importe de
9.827.817,38 euros (IVE incluído).
Estas obras forman parte do proxecto de
implantación do ancho mixto no tramo, que permitirá a circulación entre
Taboadela e a entrada na estación de Ourense tanto dos futuros tráficos en
ancho internacional da Liña de Alta Velocidade Madrid-Galicia como dos tráficos
que actualmente soporta en ancho ibérico, tanto de viaxeiros como de
mercadorías.
O contrato contempla fundamentalmente os seguintes traballos
- Estudo pormenorizado do viaduto sobre o río Miño, na capital ourensá, para a instalación da dobre vía prevista no proxecto e ás actuacións de reforzo e rehabilitación que permitan instalar corredores laterais de evacuación e a cimentación dos postes de electrificación.
 |
| Estación de San Francisco |
- Reposición de 3 pasos superiores no tramo (demolición dos existentes e construción de 3 estruturas novas).
- Implantación das medidas de protección acústica necesarias.
- Ampliación (en anchura e lonxitude) da actual plataforma da estación de Ourense San Francisco.
- Instalacións de protección civil (iluminación e sinalización) nos 4 túneles
existentes no tramo.
- Cerramento da liña.
Si desexa facer algún comentario poder enviar un correo a celso.delgado@congreso.es
Recibirá resposta.
