O Plan Estatal e de Vivenda 2018-2021
foi elaborado coa participación das Comunidades Autónomas, Ceuta e Melilla, a
Federación Española de Municipios e Provincias (FEMP) e as asociacións, axentes
e profesionais do sector. Trátase, por tanto, dun Plan cun elevado nivel de
consenso.
Este Plan, como os anteriores, será
xestionado polas Comunidades Autónomas e as Cidades Autónomas de Ceuta e
Melilla, e para ese efecto asinaranse convenios de colaboración con cada
administración autonómica para a súa execución.
O novo Plan de Vivenda ten como obxectivo fomentar a rehabilitación e rexeneración urbana e
rural, ademais de incluír axudas ao aluguer.
Neste sentido, contempla axudas para o
aluguer de vivendas a persoas cuxos ingresos, sumando os de todos os membros da
unidade de convivencia, non superen 3 veces o
IPREM. Estas axudas serán de ata o 50% da renda e para alugueres de ata
600 euros/mes e, nalgúns supostos, ata 900 euros/mes. O límite da axuda é, con
carácter xeral, do 40% da renda. Esta porcentaxe elévase ata o 50% para os
menores de 35 anos e os maiores de 65.
Para os mozos, outórganse ademais axudas
para a adquisición de vivenda en municipios de menos de 5.000 habitantes. Tamén
se conceden axudas de ata o 100% da renda ás persoas en situación de
desafiuzamento da súa vivenda habitual para o aluguer de vivendas dispoñibles
das entidades financeiras ou outros propietarios.
Ademais, recolle axudas para a promoción
de vivendas, xa sexan públicas ou privadas, destinadas ao aluguer durante un
prazo non inferior a 25 anos. Estas vivendas non poden alugarse por encima dun
nivel de renda e destinaranse a familias con ingresos limitados.
Doutra banda, concédense axudas á
promoción de vivendas para persoas maiores e persoas con discapacidade con
obxecto de destinalas ao aluguer durante un prazo mínimo de 40 anos. Trátase de
vivendas con instalacións e servizos comúns adaptados e con aluguer limitado.
Están destinadas a arrendatarios con ingresos limitados.
O Plan Estatal de Vivenda 2018-2021
reforza a cooperación e coordinación interadministrativa e fomenta a
corresponsabilidade no financiamento e na xestión nesta materia, cuxa
competencia exclusiva é das administracións autonómicas e locais.
Convenio para o desenvolvemento
en Galicia
Pois ben, hoxe a conselleira de
Infraestruturas e Vivenda, Ethel Vázquez, asinou co Ministerio de Fomento o
convenio para o desenvolvemento en Galicia do Plan Estatal de Vivenda, con
horizonte ata o ano 2021, no marco do que a Xunta publicará en agosto novas
axudas por importe de 12,5 millóns de euros.
Vázquez Mourelle explicou que
estas novas subvencións se dirixirán á mellora da eficiencia enerxética nas
vivendas; ao fomento da conservación, seguridade e accesibilidade; e á
adquisición de vivendas en concellos de menos de 5.000 habitantes por mozos
menores de 35 anos.
Subliñou que estas axudas se
suman á convocatoria das de alugueiro, cun orzamento de case 15 millóns de
euros, cuxo prazo de solicitude remata hoxe, tras ter adiantado a Xunta a súa
publicación a finais do mes de xuño.
Este plan foi acordado e aprobado
polo anterior Executivo español cun incremento dos recursos para Galicia de
máis do 60% con respecto ao anterior, un total de 107 millóns de euros que
beneficiarán a 18.700 familias, que verán mellorada as súa calidade de vida,
xerándose 11.000 empregos e unha mobilización de recursos de máis de 250
millóns de euros.
A conselleira sinalou que este
investimento é posible porque a Xunta ten elevado ao máximo o financiamento
autonómico, cunha achega de 25 millóns de euros, o que permitiu tamén acadar o
tope de investimento do estado, que ascende a 82,2 millóns.
Subliñou a grande oportunidade
que o plan significa para continuar avanzando nos grandes obxectivos do Goberno
galego no eido da vivenda, unha materia prioritaria. Concretou que estes
recursos posibilitarán continuar coa aposta autonómica pola rehabilitación e o
impulso do alugueiro, coa loita contra os desafiuzamentos e a dinamización do
rural.
Celebrar tamén que o novo titular de Fomento, José Luis Ábalos decidise continuar adiante coa firma dos convenios para a execución do Plan Estatal de Vivenda 2018-2021 coas Comunidades Autónomas (CCAA) e as Cidades de Ceuta e Melilla.
Celebrar tamén que o novo titular de Fomento, José Luis Ábalos decidise continuar adiante coa firma dos convenios para a execución do Plan Estatal de Vivenda 2018-2021 coas Comunidades Autónomas (CCAA) e as Cidades de Ceuta e Melilla.
Si desexa facer algún comentario poder enviar un correo a celso.delgado@congreso.es
Recibirá resposta.