Presentado e emitido o selo conmemorativo do Centenario da Ponte Nova de Ourense


Hoxe no tivo lugar no Salón de Plenos do Concello de Ourense o acto de presentación do selo conmemorativo do Centenario da Ponte Nova sobre o Río Miño en Ourense.

Un acto presidido polo alcalde Jesús Vazquez Abad e que tamén contou coa presenza do ministro de Fomento, Iñigo de la Serna, e do presidente da Xunta, Alberto Núñez Feijóo. Tamén do Delegado do Goberno, Santiago Villanueva, do Presidente da Deputación, Manuel Baltar, da conselleira de Infraestruturas e Vivenda, Ethel Vázquez e do director de Filatelia de CORREOS, Modesto Fraguas, entre outros. Además de varios membros da Sociedade Filatélica, Numismática e Vitolfílica Miño.

O selo de Correos, forma parte da serie denominada «Efemérides» coa que CORREOS conmemora acontecemeentos relevantes na Historia de España. Ten un valor postal de 1,35 euros, e a tirada será de 180.000 selos.

A venda e posta en circulación terá lugar a partir de hoxe. A distribución aos puntos de venda cesará o 31 de decembro de 2020, con todo, conservarán indefinidamente o seu valor a efectos de franqueo, ata que se dite orde en contrario. Unha vez alcanzada dita data, a Sociedade Estatal Correos e Telégrafos, S.A. poderá interesar da Fábrica Nacional de Moeda e Timbre, Real Casa da Moeda a inutilización dos selos sobrantes da emisión.



Sobre o deseño do selo, para o autor do mesmo, "trátase de conmemorar o centenario dunha construción deseñada para achegar beiras, unha obra moderna para o seu tempo que celebrando agora 100 anos permanece inalterable.

O selo está feito cunha técnica dixital fotográfica. Pretende xogar co paso do tempo, que é primordial para comprender a obra. Represéntao traballando con liñas limpas e de efecto modernista acentuado, en combinación cun virado alaranxado que transmite tempo pasado. 

Neste caso os tons azuis característicos da provincia reflíctense nun ceo limpo para realzar máis as cores. Un logotipo inspirado no movemento art decó da época pon o broche final."

Autoridades e filatélicos realizaron no acto o mataselado de honra de este efecto
postal.

Coa emisión deste selo, CORREOS pon en valor a importancia histórica da construción da Ponte Nova de Ourense e do seu autor, o enxeñeiro de Obras Públicas Martín Díez da Banda. O proxecto da ponte foi unha gran obra de enxeñería civil da súa época e incorporou no seu deseño e construción sistemas moi novos para o momento.


As obras da ponte foron adxudicadas o 14 de maio de 1910 á empresa Construcións Hidráulicas e Civís. J. Eugenio Rivera e Compañía, de Bilbao, por 1.157.000 das antigas pesetas. A primeira pedra colocouse coincidindo cos festexos do Corpus do sábado 28 de maio de 1910.

A ponte está formado por seis arcos de sillería aplantillada e un tramo metálico na parte central. A súa complexa disposición está formada por tres arcos de medio punto, un arco de directriz parabólica con catro nervios metálicos, un arco de carpanel e outro de medio punto.

Na súa construción empregouse pedra procedente de Outariz e os farois que o decoran son dunha fundición dos talleres madrileños Igrexas.

A día de hoxe, a Ponte Nova é un das pontes máis utilizadas da cidade, tanto polos peóns como polo tráfico rodado. A súa situación estratéxica e a súa forte estrutura que soportou á perfección o paso do tempo, convertérono nunha peza icónica dentro do patrimonio arquitectónico de Ourense.






Si desexa facer algún comentario poder enviar un correo a celso.delgado@congreso.es 

 Recibirá resposta.


Con la tecnología de Blogger.