O decano-presidente do
Colexio de Economistas de Ourense, Guillermo Díez, abriu o acto e deu conta que
o 19 de febreiro deste anos, os colexiados acordaron por unanimidade distinguir
ao presidente de Coren, pola súa traxectoria empresarial e a súa dedicación e
contribución ao desenvolvemento da economía ourensá e galega.
Logo interveu outro ourensán,
Miguel Vázquez Taín, presidente do Consello
Galego de Economistas, que provén dunha familia integrada en COREN e
recoñeceu a Eulogio Gómez- Franqueira e
ao seu fillo homenaxeado, destacando o intanxible do " inconformismo,
superación e traballo de
agregación", que son valores de Manuel
Gomez Franqueira.
Daquela o conselleiro
delegado de Abanca, Francisco Botas, realizou a laudatio na que
puxo en valor a "innovación empresarial" e a "combinación perfecta
entre fidelidade á filosofía inicial de Coren, á vez que transformou a
sociedade".
O alcalde de Ourense, Jesús
Vázquez, ponderou a figura "valente" do homenaxeado, "que reinventou ou negocio, cunha segunda transformación, nun mercado cambiante". E destacou a súa
enorme entrega á provincia e a cidade.
Foi daquela a quenda de
Manuel Gómez Franqueira que evocou dunha
maneira moi informal e persoal, os recordos do seu falecido pai, Don Eulogio,
que lle inculcou o amor ao negocio e a vocación empresarial, ademais do
compromiso en axudar ás familias e dignificar e modernizar o traballo na
gandería e a agricultura.
Falou dos enormes cambios que supuxo para
o Grupo, a entrada de España no Mercado Común Europeo que obrigou á Cooperativa
para diversificar e limitar a produción de ovos. En definitiva anticiparse ao
mercado e saber reaccionar para competir e ter beneficios.
Pecou o acto o Conselleiro de Economía,
Francisco Conde que subliñou que esta
estirpe emprendedora premiada esnaquiza eses mitos negativos da Galicia illada,
minifundista e individualista, reticente á innovación.
“Manuel Gómez-Franqueira é galego. Son galegos os 4793
cooperativistas. Galegos son os seus produtos. E galega é a sociedade que rodea
e arroupa esta estrutura empresarial única en España, que recibiu no 2003 o premio
de Mellor Empresa Agroalimentaria Española”, dixo, ao que engadiu que o novo
colexiado pertence á familia que funda o que se pode bautizar como a Galicia
cooperativa, como fórmula innovadora para desenvolver un proxecto industrial e
tamén como maneira de entender as relacións humanas.
Así mesmo, resaltou que o grupo de empresas que capitanea Manuel
Gómez-Franqueira ten demostrado ademais unha capacidade para innovar e
adaptarse a contextos económicos diferentes, con poucos parangóns en proxectos
españois e europeos. “Coren transforma a ameaza en oportunidade. Non ve nos
novos mercados e regulacións un risco do que hai que protexerse, senón acicates
para dar novos pasos adiante”.
Conde resaltou ademais que na xa longa historia de Coren hai un
éxito formado polo binomio innovación e estabilidade, unha fórmula que inspira
tamén a Galicia dos nosos días.
Parabéns a Manuel Gómez Franqueira, unha persona querida e sobre todo respetada e admirada.
Parabéns a Manuel Gómez Franqueira, unha persona querida e sobre todo respetada e admirada.
