Cortegada, unha fermosa Vila Termal a carón do pai Miño

Aproveitando o magnifico tempo primaveral que gozamos estes días na provincia de Ourense decidín visitar un dos seus destinos máis fermosos, o concello de Cortegada.

Circulei en coche pola estrada OU-402 que discorre pola marxe esquerda do Miño, por localidades como Puga, Astariz, Vide, Prado, A Frieira, Castrelo de Miño, Arnoia e Merens, entre outra.

E gozando dunhas magnifcas vistas sobre o citado río e tamén dos viñedos que abundan por esas terras do Ribeiro.

Xa en Cortegada, comecei a correr polos seus camiños e estradas ata chegar ao histórico balneario situado na beira esquerda do río Miño, xunto á súa canle; na mesma ladeira, sobre unha cota superior en 60 m, atópanse Os Baños do Monte.

Como informa a web do Concello: “As súas aguas eran nomeadas desde 1497, ano no que o mosteiro de Celanova afora un monte e os baños de Cortegada.  Pasan a ser máis coñecidas a partir de 1764, pero non foron utilizadas ata 1847.

Debido ao interese dos auguistas e ao aumento no número de persoas que visitaban este lugar para facer a cura, é polo que en 1847 se designa un médico-director, que supuxo mellorar as condicións das pías existentes coa construcción dunhas casetas de madeira que se desmontaban no inverno (hai fotos expostas noBalneario), xa que a temporada oficial de baños era de xuño a setembro, cunha afluencia de 1000 a 1200 persoas por temporada.

É obvio que para o seu funcionamento tiña que haber persoas encargadas da súa explotación e foi a familia apelidada Carpintero, cuxo cabeza de familia era Juan Carpintero, a que se encargou dela.

Esta familia permaneceu á fronte do balneario ata o ano 1930 aproximadamente, na que se fixo cargo a familia Álvarez, concretamente o matrimonio formado por José Álvarez Puga e Isolina Álverez Pérez, coñecidos polos Tortugas, que lle deron un novo impulso coa construcción dun novo edificio modernista, cuxa edificación iniciou o arquitecto vigués, don José Lago Loureiro en 1934 e finalizouno en 1937. 

En todo este tempo, e decir desde 1397-1970, Cortegada viviu 30 anos de pleno explendor. Don Pedro Gómez de Bedoya e Paredes dedícalles aos baños de Cortegada doce páxinas no seu libro Historia Universal de las fuentes minerales de España, do ano 1764”      

http://www.cortegada.es/index.html

Mentres visitaba a contorna do Balneario atopeime co seu alcalde Avelino Luis de Francisco, que do mesmo xeito que eu facía exercicio pola zona. 

Falamos do pasado e da situación actual do Concello, dos avances acadados para dinamizalo e dos ambiciosos proxectos en marcha,  e foi quen me recomendou que coñecese o cercano miradoiro Coto dá Pena, o que fixen a continuación.

Está ubicado nun macizo rochoso, e está construído en madeira a uns 30 metros de altura sobre o Miño, que neste lugar está emblasado pola presa de Frieira situada uns quilómetros rio abaixo. Desde ese lugar as vistas son extraordinarias e todo iso no medio dunha frondosa vexetación de carballos, bidueiros e sobreiras, etc.

A continuación subín correndo unhas pronunciadas costas ata chegar ao novo Balneario de Cortegada.

Alí amablemente a súa encargada Eva ensinoume a ampla oferta termal ebalnearia actual.

As súas tres piscinas termolúdicas. a área de contrastes e vapor e as áreas de relax camas termicas e hamacas e unha impresionante terraza con vistas a exhuberante natureza.

Logo puiden disfrutar destas instalacións e sain certamente relaxado polo efecto das augas minero medicinais deste novo Balneario que desde logo recomendo a todos.

Esta é súa ligazón en internet:

http://www.balneariodecortegada.com/

E finalmente coa finalidade de comer viaxei pola estrada OU-801 e logo outras - por certo ben fermosas - ata a localidade de A Ponte-Trado, na Parroquia de San Martiño de Valongo, onde hai un mesón-restaurante chamado “Adega Val do Deva”. 

Dou fé da súa excelente excelente comida caseira e dos magníficos viños.

http://rutadelvinoribeiro.com/sitio/bodega-val-do-deva/

Termino, se queres gozar de tranquilidade e unha natureza envexable, Cortegada é un destino inaprazable.

Si desexa facer algún comentario poder enviar un correo a celso.delgado@congreso.es 

 Recibirá resposta.