PXE 2018: Galicía é a terceira comunidade autónoma con maior investimento por persoa do Ministerio de Fomento


Insistindo na información sobre o proxecto de Presupostos Xerais do Estado para 2018 presentado onte é en relación cos investimentos, destacar que as cifras consignadas sitúan a  Galicia como a terceira comunidade autónoma con maior investimento por persoa do Ministerio de Fomento, cun total de case 890 millóns de euros consignados.

O total de gasto previsto polo Ministerio de Fomento en Galicia este ano supera en máis do 65% (352 millóns de euros) a media dos investimentos nas comunidades autónomas, cunha previsión de investimento que medra nun 1,3% con respecto a 2017.

As contas presentadas hoxe son unha nova mostra do compromiso do Goberno de España de impulsar as grandes infraestruturas pendentes en Galicia, de acordo coas prioridades trasladadas pola Xunta.

Desa forma, o principal investimento previsto polos Presupostos do Ministerio de Fomento na nosa Comunidade é o destinado á execución das obras do AVE entre Galicia e Madrid, que xa está executada en máis dun 77 %. Esa liña de alta velocidade capta un total de 663 millóns de euros, dos cales 406,7 se corresponden con obras na provincia de Ourense.

Recóllese a previsión de avanzar tamén na liña Ourense-Lugo, na conexión Vigo-Ourense e no ferrocarril  entre A Coruña e Ferrol, primando o baipás de Betanzos.

Prevense, igualmente, importantes investimentos no Eixo Altántico, un total de 50,9 millóns de euros que inclúen a dotación necesaria para culminar a instalación do sistema ERTMS en todo o eixo e onde tamén se inclúen investimentos nas estacións intermodais de Santiago, A Coruña e Vigo, que se suman á prevista en Ourense.

Ademais, resérvase 1 millón de euros para a supresión dos pasos a nivel no Porriño e en Arbo.

Así mesmo, destaca a partida de máis de 22 millóns de euros para a conexión ferroviaria do porto exterior de Ferrol.

O investimento previsto en estradas medra nun 2,1% con respecto a 2017, chegando ata os 182 millóns de euros, o que permitirá impulsar os principais eixes xa en marcha, fundamentalmente a autovía A-54 entre Santiago e Lugo, á que se destinan máis de 46 millóns de euros. Iso permitirá avanzar nos treitos Lavacolla-Arzúa (17,5M€), Arzúa-Melide (18 M€) e Melide-Palas de Rei (8,85M€), ademais de impulsar o intercambiador de Guntín (2,5 M€). Tamén na A-54 Ourense-Lugo no treito San Martiño-A Barrela (10,76 M€)

Recibe tamén un importante impulso a obra da Circunvalación de Pontevedra (A-57) cun total de 18,2 millóns de euros para avanzar no treito en execución, entre Vilaboa e A Ermida,  e licitar o seguinte, entre A Ermida e Pilarteiros.

Así mesmo, os Presupostos cumpren a palabra dada ao Goberno galego de financiar con cargo aos Presupostos do Estado as novas obras na AP-9 e se inclúen partidas para executar o acceso á Cidade da Cultura (4M€) e licitar o Enlace Orbital (8M€) en Santiago; o Nó de Bombeiros en Pontevedra (1M€); e  a ampliación da avenida de Alfonso Molina (3M€) e o Vial 18 (3M€)  na Coruña.

O compromiso de financiamento das novas obras na Ap-9 garante que non se vaian repercutir en novas subas de peaxe, tal e como o Goberno socialista planificou que se financiasen as obras de ampliación da capacidade que veñen de rematar en Santiago e Vigo.

Estas actuación súmanse ás obras que se prevé executar a través das sociedades concesionarias das autoestradas de peaxe, como as obras asociadas á ampliación da Ponte de Rande, entre outras, que suman un total de 37,5 millóns de euros.

Os Orzamentos do Estado reflicten xa, tamén, o compromiso de impulsar a nova Autovía entre Vigo e O Porriño, cun investimento total previsto de 337 millóns de euros anunciado onte polo presidente do Goberno.

Entre outras actuacións destacadas que recollen os Orzamentos do Ministerio de Fomento en materia de estradas están o Enlace de Meicende (3M€), a mellora da seguridade viaria na travesía de Perillo, en Oleiros, con 4 millóns de euros.

Mención a parte merece  a Autovía da Mariña, a A-74, con 3,1 millóns de euros para avanzara nos proxectos e na licitación das obras, e para o 2019 xa se prevén máis de 23 M€.

En 2018 prevese licitar o primeiro treito da Variante Norte de Ourense (A-56), Eirasvedras-Quintela, con 2,5 millóns de euros. 

Os Orzamentos do Estado permitirán ademais, avanzar na A-76 a través do treito A Veiga de Cascallá-O Barco de Valdeorras, que recibe 3 millóns de euros. Tamén no Barco de Valdeorras, consígnanse 3 millóns de euros para a conexión da Nacional 120 coa Nacional 536.

Na A-52 destínase unha dotación de 1,16 millóns de euros para a remodelación do enlace Puzo-Lira.

Cómpre salientar que os Presupostos do Ministerio de Fomento consignan 54,6 millóns ao mantemento de estradas e á seguridade viaria, con melloras no firme de varias estradas nacionais e cunha partida de 5,4 millóns de euros para impulsar a fase de prototipos antinéboa na A-8 en Mondoñedo.

En materia aeroportuaria, prevese un investimento total de 18,5 millóns de euros, que se destinarán fundamentalmente a obras mantemento e mellora das tres terminais galegas.

Xa en materia de vivenda, os Orzamentos presentados hoxe confirman que a subvencións previstas polo Plan estatal 2018-2021 suporán este ano case 20 millóns de euros para Galicia.

Si desexa facer algún comentario poder enviar un correo a celso.delgado@congreso.es 

Recibirá resposta.

Con la tecnología de Blogger.