Hoxe celebramos o Día Mundial da auga baixo o lema: "A resposta está na natureza"·



A creación dun día internacional dedicado á auga foi recomendado durante a Conferencia das Nacións Unidas sobre o Medio Ambiente e o Desenvolvemento ( CNUMAD) de 1992 en Río de Janeiro. A Asemblea Xeral das Nacións Unidas respondeu á devandita recomendación designando o 22 de marzo de 1993 como o primero Día Mundial da auga.


A celebración deste ano céntrase en explorar como a natureza pode axudarnos a superar os desafíos que expón a auga no século XXI.
Os problemas ambientais, xunto co cambio climático, provocan as crises asociadas aos recursos hídricos que ocorren en todo o mundo. As inundacións, secas e a contaminación da auga agrávanse coa degradación da cuberta vexetal, os chans, os ríos e os lagos.
Cando descoidamos os ecosistemas, dificultamos o acceso aos recursos hídricos, imprescindibles para sobrevivir e prosperar.
As solucións naturais poden dar resposta a moitos dos desafíos relacionados coa auga. Queda moito por facer para implantar as infraestruturas ecolóxicas e harmonizalas coas tradicionais alí onde sexa posible. Plantar bosques, reconectar os ríos coas chairas aluviais e restaurar os humidais devolverá o equilibrio ao ciclo da auga, ademais de mellorar a saúde pública e os medios de vida.

O Obxectivo de Desenvolvemento número 6, Garantir a dispoñibilidade de auga e a súa xestión sustentable e o saneamento para todos, inclúe unha meta de reducir á metade a proporción de auga dilapidada e aumentar a súa reciclaxe.
O Día Mundial da auga está coordinado por UN-Water un mecanismo de colaboración da ONU para temas relacionados coa auga potable no que participan gobernos e outras entidades.
No ámbito da Confederación Hidrográfica Miño-Sil, para conmemorar este día organizanse actividades para fomentar a educación e a sensibilización ambiental da poboación, desde a infancia, potenciando o valor ambiental dos ríos da conca e concienciando sobre a importancia da protección e conservación dos ecosistemas fluviais.



Si desexa facer algún comentario poder enviar un correo a celso.delgado@congreso.es
Recibirá resposta


Con la tecnología de Blogger.