miércoles, 20 de septiembre de 2017

Rajoy: "Se se permite o atropelo das normas, quédanos a inxustiza e a arbitrariedade"

Esta mañá, antes de comezar a sesión de control ao Goberno, o Congreso dos Deputados gardou un minuto de silencio como mostra de solidariedade coas vítimas do terremoto en México.

Tanto Gabriel Rufián, deputado de ERC, como Aitor Esteban, portavoz do PNV, preguntaron ao presidente do Goberno pola situación en Cataluña

Nas súas respostas, Mariano Rajoy dixo que o Executivo "está a facer o que debe facer" e que "o seguiremos facendo ata o final" porque é "a nosa obrigación".

En opinión do xefe do Executivo, o ocorrido os días 6 e 7 de setembro no Parlamento de Cataluña foi "de extrema gravidade", "profundamente antidemocrático" e "un acto de barbarie democrática", xa que, nunhas horas, "pretenderon liquidar" as normas básicas do Estado como son a Constitución Española, o Estatuto de Cataluña e o ordenamento xurídico e, ademais, tentouse "inventar unha nova legalidade"

Rajoy afirmou que, durante ese proceso, "pasaron por encima de todos os trámites parlamentarios propios dunha democracia" e "dos dereitos dos deputados, que non puideron emendar nin debater". Tamén subliñou que "por sorte, o Estado de dereito e democrático funcionou" e seguirá facéndoo: "Creo que fixemos o que tiñamos que facer e o que era nosa obrigación".

Polo que se refire á operación que a Garda Civil ha levado a cabo esta mañá en diversos puntos de Cataluña, o presidente do Goberno destacou que "se fizo por decisión do xuíz" co obxectivo de "garantir" que "se cumpre a lei". Así mesmo, Rajoy pediu que cesen as "ameazas" contra os alcaldes, os concelleiros, os policías locais e demais persoas que non apoian o proceso soberanista porque é un "atentado contra os dereitos individuais".

Mariano Rajoy, en resposta ao portavoz do PNV, lembrou que falou en "numerosas ocasións" co presidente da Generalitat de Cataluña e que este sempre lle expuxo unha única opción: "Referendo si ou referendo si". Ante esa situación, agregou , "a resposta non pode ser outra que a que tomamos"

"Podemos falar do que queiran - engadiu  o presidente do Goberno-, pero desde logo que ninguén conte comigo para liquidar a unidade de España nin a soberanía nacional". En opinión de Rajoy, o Goberno está a actuar "con sensatez, con moderación e con proporcionalidade" para "evitar que se produzan atropelos" porque "a lei en España tense que cumprir": "Se se permite o atropelo das normas, quédanos a inxustiza e a arbitrariedade".

Si desexa facer algún comentario poder enviar un correo a celso.delgado@congreso.es 

Recibirá resposta