Onte o ministro de Fomento, Íñigo de la Serna, presentou o
Plan de Navegación Aérea 2017-2020, que recolle os obxectivos e actuacións de
ENAIRE para atender o crecemento do tráfico aéreo e o compromiso de España na
construción do Ceo Único Europeo.
ENAIRE é a entidade pública empresarial dependente do
Ministerio de Fomento que xestiona, a través de 5 centros de control, 22 torres
e unha rede de infraestruturas e equipamentos aeronáuticos, o 4º espazo aéreo
de Europa por volume de tráfico. O tráfico xestionado por ENAIRE transporta
máis de 230 millóns de persoas anualmente.
ENAIRE é o cuarto provedor europeo en número de voos
xestionados dentro do seu espazo aéreo, un dos máis extensos de Europa, con 2,2
millóns de quilómetros cadrados.
Segundo as previsións, recollidas no plan estratéxico de
ENAIRE, o tráfico aéreo crecerá un 16%
ata 2020, ano no que se alcanzarán os 2,2 millóns de voos, 300.000 voos máis
que os contabilizados no conxunto do exercicio de 2016.
En resposta a esta contorna de demanda crecente e
requirimentos europeos, o xestor de navegación aérea vai centrar boa parte dos
seus esforzos e recursos na mellora da capacidade e a eficiencia do espazo
aéreo español e en I+D+i.
O proxecto Ceo Único Europeo (Single European Sky) fai do
espazo aéreo unha contorna cada vez máis global e máis competitivo. Esta
iniciativa da Comisión Europea ten como obxectivo fundamental eliminar a
fragmentación actual de espazos aéreos e sistemas nacionais para conseguir un
verdadeiro espazo aéreo europeo homoxéneo, con sistemas tecnolóxicos
perfectamente interoperables.
Para facer fronte a este reto e liderar o cambio, o plan
estratéxico de ENAIRE, denominado "Plan de Voo 2020", contempla un investimento
de 300 millóns de euros no período 2017-2020, que se destinarán a modernizar e
evolucionar o sistema de navegación aérea español.
O titular de Fomento ha destacou que este investimento
permitirá incrementar aínda máis os niveis de seguridade, contribuirá á
sustentabilidade ambiental, así como á prestación dun servizo seguro, eficiente
e de calidade a compañías aéreas, xestores aeroportuarios e, por extensión, a
pasaxeiros, en liña tamén co compromiso contido no DORA (Documento de
Regulación Aeroportuaria).
Investimento para liderar o cambio:
Os investimentos previstos por ENAIRE (70,1 millóns de euros en 2017; 73,3 millóns, en 2018, 74,8 millóns en 2019 e 76,0 millóns en 2020) concrétanse en actuacións como estas:
Evolución do Sistema Automatizado de Control de Tránsito Aéreo (SACTA) con solucións avanzadas en harmonía cos principais provedores europeos (proxecto iTEC).
Modernización dos sistemas de comunicación de voz entre
controladores e pilotos, incorporando ligazóns de datos terra-aire e aplicando
novas tecnoloxías que darán resposta aos requirimentos do Ceo Único.
Evolución dos sistemas de navegación e vixilancia
incorporando novos radares de última
xeración (Modo S) e tecnoloxías satelitales (EGNOS, ADS-B).
Despregamento dunha nova rede de datos de navegación aérea
de altas prestacións para un rápido intercambio de información.
Tarifas máis competitivas:
O Plan de Voo 2020 inclúe ademais unha rebaixa na tarifa de
ruta do 11,5% entre 2018 e 2020 (o 3,0% en 2018, o 4,0% en 2019 e o 5,0% en
2020). A partir de 2019 será, de feito, a tarifa de ruta máis baixa dos
principais provedores europeos. A rebaixa supoñerá un aforro ás compañías
aéreas de 184 millóns de euros.
A medida foi posible grazas ao esforzo que se fixo en
termos de eficiencia e vai servir para fomentar a competitividade do sector,
impulsar o turismo e beneficiar aos usuarios do transporte aéreo.
Todo este esforzo investidor e de baixada de tarifas faise
ademais co mérito engadido de manter a viabilidade económica de ENAIRE, cun
EBITDA anual previsto superior a 200 millóns de euros ao longo destes catro
anos e un crecemento anual do cociente de solvencia do 4,5 por cento.
Beneficios ambientais:
Grazas á mellora da eficiencia das rutas como consecuencia do deseño de rutas máis directas e a implantación de aproximacións verdes aos aeroportos, espéranse os seguintes beneficios ambientais de 2017 a 2020: aforro de 5,5 millóns de millas náuticas, 61.000 toneladas de combustible e 190.000 toneladas de CO2. O aforro estimado de combustible para o conxunto do cuadrienio supera os 26 millóns de euros.
Internacionalización:
En canto ao plan de internacionalización de ENAIRE, De la Serna anunciou que o xestor de navegación aérea participará activamente en consorcios e alianzas internacionais de navegación por satélite (ESSP) e de vixilancia por satélite (ADS-B), concursará ao servizo paneuropeo de comunicacións dixitais (NewPENS) ata 2028, ao Servizo Europeo de Xestión da Información de Tránsito Aéreo (EAIMS) ata 2030 e optará a novas oportunidades en servizos de comunicacións de datos vía satélite (IRIS).
Si desexa facer algún comentario poder enviar un correo a celso.delgado@congreso.es
Recibirá resposta
