martes, 2 de mayo de 2017

No acto inaugural da ICC Week

Asisto esta tarde no Centro Cultural “Marcos Valcárcel” o acto inaugural da  terceira edición da “Ourense ICC Week".

A Semana das Industrias Culturais e Creativas, organizada pola Deputación de Ourense, contou neste acto co presidente Manuel Baltar; a directora de Contidos no Laboratorio de Aprendizaxe Social e Emocional, Elsa Punset; e o xornalista, director de cine e guionista, Javier Rioyo.

O presidente da Deputación destacou que estes días a nosa provincia “será o punto de encontro da vangarda creativa para emprendedores, artistas e entidades, que converten ao noso territorio no marco perfecto para o pensamento, o intercambio de experiencias e a reflexión sobre as novas tendencias no ámbito da creatividade”

Desde 2015, celébrase en Ourense a ICC Week (a Semana das Industrias Culturais e Creativas), como un acontecemento transversal a todas as manifestacións do sector: o labor é reunir a algúns dos axentes, propostas e ferramentas máis innovadoras do ámbito Audiovisual, (Cinema e Tv), a Industria Músical, Radio, Novas Tendencias Tecnolóxicas, Apps, Vídeo- xogos e sectores onde a creatividade é un activo e esencial.

Durante seis días, unha sucesión de speedmeetings, relatorios, charlas, entrevistas, showcases e unha gran variedade de actividades vertebran unha reflexión colectiva acerca dun dos sectores crave deste século, e ofrecen, no marco incomparable da provincia de Ourense, un espazo único para o intercambio de ideas e experiencias, o co-working e a posibilidade de conectar ideas, medios e novos mercados.


A Semana das Industrias Culturais e Creativas en Ourense, é un foro nado en 2015. A presente edición 2017 celebrarase, en diferentes cidades e vilas da provincia entre os días 2 e 7 de maio.


Si desexa facer algún comentario poder enviar un correo a celso.delgado@congreso.es 

Recibirá resposta