Un paso adiante na mellora da infraestrutura ferroviaria entre Galicia e Portugal

Onte tivo lugar na localidade lusa de Viana do Castelo un acontecemento que incidirá nun futuro próximo na mellora das comunicacións ferroviarias entre España e Portugal, e singularmente entre Vigo e Porto. Foi o acto de asinamento do contrato de construción de modernización e eletrificación do treito entre Nine e Viana do Castelo.

O Ministro do Planeamento e das Infraestruturas, Pedro Marques, afirmou que o Goberno vai anticipar a modernización do treito entre Viana do Castelo e Valença da linha do Minho para 2017.
«Faremos um esforço adicional para que a segunda empreitada, de Viana do Castelo a Valença, comece em obra no próximo ano e não em 2018 como estava inicialmente previsto», dixo Marques.
O Ministro referiu que este esforzo adicional xustificase despois do contacto do Goberno español para «reafirmar o seu compromiso de facer a eletrificación do pequeno treito», de seis quilómetros.
A modernización da líña ferroviaria entre Nine e Valença, que se completará en 2019, representa un  investimento total de 83,2 millons de euros, financiados en 59,2 millons de euros por  Ferrovia 2020 e cunha aportación de 24 millons de euros de orzamento do Estado portugués.
Está previsto que a obra esté concluída no terceiro trimestre de  2018.

A xuizo do ministro luso a electrificación desta conexión vai a permitir triplicar a capacidade de tráfico de 15 a 20 trens, cun máximo de 750 metros en lugar de 300. E dixo que a modernización traerá "máis comodidade, máis seguridade e mellores tempos de transporte aos pasaxeiros" e "máis eficiencia para as empresas e para o transporte de mercancías".

Pedro Marques dixo que esta obra é moi importante para o Alto Minho e para a rexión, tendo en conta "os fortes vínculos que a industria, que se ven desenvolvendo dun xeito espectacular na rexión, ten coa Galicia “, engadindo que a electrificación está inserta "na estratexia de que a inversión pública axudará, tamén á recuperación da economía."

Recordo agora a miña participación en varias das reunións parlamentarias (entre o Congreso dos Deputados e a Asemblea da República) previas aos cumes dos gobernos Luso e Español, nas que entre outros temas abordamos a mellora progresiva e substancial da relación entre Porto-Vigo, expóndoa en dúas fases.

Nunha primeira mediante a potenciación do actual servizo como internacional e, nunha segunda fase, a medio prazo, mediante unha actuación sobre a infraestrutura ferroviaria.

Sinalar que a primeira fase foi materializada o 1 de xullo de 2013 cando a ministra de Fomento, Ana Pastor, e o ministro de Economía e Emprego de Portugal, Álvaro Santos Pereira, viaxaron no primeiro tren directo que conectaba Vigo e Porto sen paradas intermedias e que permitía mellorar a mobilidade dos viaxeiros. 

Era o chamado "Tren Celta" no que tiven oportunidade de viaxar, un convoi internacional entre Porto-Campaña e Vigo- Guixar, con paradas en Valença, Viana do Castelo e Nine. 

Hoxe posibilita ir e vir no mesmo día con tempo suficiente para visitar unha das dúas cidades. Con saídas diarias desde Porto Campaña ás 08:15 ou 19:15 e de Vigo Guixar ás 9:02 ou 20:02, este tren permite gozar ao longo do seu percorrido da paisaxe e a vexetación que rodea o rio Miño. A duración aproximada do traxecto: 2 horas 15 minutos.


A segunda fase de mellora da infraestrutura mediante a electrificación, é a que agora se pon en marcha en Portugal. En territorio español, está pendente a  colocación da catenaria nos oito quilómetros do tramo Guillarei (Tui)-fronteira de Valença. Algo que se executará en coordinación coa execución das obras en Portugal.


Si desexa facer algún comentario poder enviar un correo celso.delgado@congreso.es

Recibirá resposta
Con la tecnología de Blogger.