Da actualidade política de hoxe valoro a
reunión mantida en Valladolid polo vicepresidente da Xunta en funcións, Alfonso
Rueda, co vicepresidente da Junta de Castela e León, José Antonio de
Santiago-Juárez, e co Conselleiro da Presidencia e Xustiza da Comunidade de
Madrid, Ángel Garrido.
Galicia, Castela-León e Madrid están a impulsar un eixe de
colaboración común para mellorar a cooperación entre estas tres comunidades e
con iso os servizos públicos que se lle prestan aos cidadáns.
Con este
obxectivo nesta xuntanza consensuaron os puntos básicos dun documento que
incluirá medidas de cooperación e que será asinado polos presidentes das tres
comunidades na segunda quincena de xaneiro en Madrid.
O impulso das actuacións pendentes da conexión por AVE entre Galicia, Castela-León e Madrid, o financiamento autonómico, o problema demográfico ou a potenciación do Camiño de
Santiago son algúns dos asuntos contidos neste documento que supón o inicio
dunha colaboración entre territorios con intereses comúns.
Salientar que a
colaboración institucional entre Galicia e Castela León é intensa en diferentes
eidos: Economía e Industria, cun papel importante do sector da automoción;
Universidades e Investigación, a prol dun espazo de excelencia dentro do Espazo
Europeo de Ensino Superior; Emprego, no que atinxe en especial á mobilidade dos
traballadores; Cultura e Turismo, con especial fincapé no rico patrimonio
románico atlántico da macro rexión e Medio ambiente ( defensa contra o lume) e producción
agropecuaria. Ademáis da intensa cooperación transfronteiriza
entre España e Portugal, xa que a Xunta, a Junta e a Rexión Norte de Portugal
forman a macro rexión Resoe.
Recibirá resposta
