Rajoy: " Hai tempo, e traballaremos para que o PSOE facilite un goberno do PP, porque é o máis democrático "

A noticia política de onte foi que o presidente do Goberno en funcións e do PP, Mariano Rajoy propuxese unha vez máis ao secretario xeral do PSOE, Pedro Sánchez, un Goberno de PP, PSOE e Cidadáns porque sería o mellor para España. 

Tras a citada reunión Rajoy compareceu ante os medios e explicou os temas que ambos abordaron durante o seu encontro e a proposta do líder do PP dun goberno de gran coalición, posto que esta sería a fórmula "máis democrática, razoable e sensata para os intereses xerais". 

"O PP ten 123 deputados e máis dun millón de votos que a segunda forza política", destacou. De feito, subliñou Rajoy, esta é a fórmula que o PSOE estivo a defender en Andalucía e, de feito, lembrou Rajoy, o PP gañou en 1996 as eleccións por 300.000 votos "e a ninguén se lle ocorreu formar un goberno en contra da primeira forza política". Por esta razón, remarcou Rajoy, o PP seguirá traballando "para que o PSOE facilite o Goberno do PP e que a lista máis votada goberne. Hai tempo", apostilou. 

Rajoy repasou a mellora da situación económica en España despois das reformas do Goberno do PP, aínda que advertiu de que despois de "ese gran esforzo do últimos catro anos", que fixo posible a recuperación económica e a creación de emprego, á economía hai que seguir tomándolla en serio. "Non estamos en condicións de volver ás andadas", sentenciou, pois "hai que seguir facendo reformas, ser competitivos e adaptarnos ao mundo que vivimos".

Preguntado pola posibilidade de que o PP brinde o seu apoio a Pedro Sánchez, Rajoy sinalou que a súa formación defenderá a súa vitoria e aos seus votantes e descartou esta opción, porque "non ten sentido" que o partido que non gañou as eleccións pretenda que se lle apoie. Como manifestou Rajoy, "é algo que non se viu en ningún país da UE nin en ningún país normal".

Por estas razóns, e a preguntas dos xornalistas, Rajoy non descartou presentarse á investidura se no futuro ten os votos suficientes para ser investido presidente do Goberno. "Dixen que non tiña os votos suficientes", insistiu Rajoy, "e non tomarei o pelo á xente". 

Si desexa facer algún comentario poder enviar un correo a celso.delgado@congreso.es 
Recibirá resposta