En xaneiro medra a demanda hoteleira en Ourense un 12,3%

Hoxe coñecemos os datos do Instituto Nacional de Estatística (INE) publicados no día de hoxe, referidos o pasado mes de xaneiro, que acreditan que  Galicia rexistrou un crecemento no volume de viaxeiros aloxados nos seus establecementos hoteleiros galegos do 9,5% ata situarse nos 147.055.
                                                                                                                    
Segundo a análise da Xunta, a nosa comunidade incrementou tamén as pernoitas rexistradas no primeiro mes do ano nun 6,5% neste caso ata acadar máis de 260.000 neste período.
É o segundo ano consecutivo no que Galicia rexistra unha mellora dos seus niveis de demanda hoteleira acadando neste ano as cifras máis elevadas dos últimos sete anos no que se refire aos viaxeiros e dos últimos cinco anos en canto ás pernoitas.
A nivel estatal rexistrouse tamén un comportamento positivo da demanda hoteleira, con melloras tanto da cifra de viaxeiros aloxados coma das pernoitas –incrementáronse nun 10,2% e nun 8,2% respectivamente-.
En termos de mercado obsérvase un comportamento homoxéneo dos tres grandes segmentos, superando todos eles os niveis de xaneiro de 2015.
O turismo interno –aquel representado polos residentes en Galicia- superou nun 1,3% as súas pernoitas e nun 4.0% a súa cifra de viaxeiros aloxados.
Pola súa parte, o turismo nacional –aquel conformado polo españois procedentes doutras comunidades autónomas- incrementou no pasado mes de xaneiro a súa cifra de viaxeiros nun 18,6% e as súas pernoitas nun 13,0% acadando os niveis de demanda máis altos dos últimos seis anos.
En canto ao turismo internacional, a nosa comunidade incrementou neste primeiro mes do ano nun 1,9% os seus viaxeiros e nun 3,4% as súas pernoitas.
A nivel territorial obsérvase tamén un comportamento positivo da demanda hoteleira en todas as provincias galegas. Na Coruña e Pontevedra subiu a demanda en torno ao 5% -un 5,6% na primeira e un 4,9% na segunda- mentres que en Lugo e Ourense a demanda subiu un 9,4% e un 12,3% respectivamente.


Segundo os datos do INE, Ourense recibiiu no pasado mes de xaneiro un total 16.360 viaxeiros, deles 15.104 residentes en España e 1.256 residentes no extranxeiro,
Estos viaxeiros sumaron  27. 633 pernoitas o que reprsentou unha estancia media de 1,69 días.
A ocupación hoteleira tamén mellorou no pasado mes de xaneiro en 1,6 puntos porcentuais acadando a cifra máis elevada nos últimos sete anos
Así mesmo, Galicia incrementou as súas tarifas hoteleiras no primeiro mes do ano, nun 2,3%, o que levou a unha suba dos niveis derendibilidade en relación ao mesmo período de 2015 incrementándose o RevPAR nun 13,9%.


Si desexa facer algún comentario poder enviar un correo a celso.delgado@congreso.es 
Recibirá resposta
Con la tecnología de Blogger.