Finalmente o debate de investidura do candidato á Presidencia do Goberno comeza o vindeiro 1 de marzo

Esta mañá o presidente do Congreso dos Deputados, Patxi López, anunciou que optou por adiantar a data para garantir que, no caso de que houbese que convocar eleccións, e cumprindo os prazos constitucionais, estas fosen un domingo, xa que as Cámara disolveríanse dous meses despois da primeira votación e as eleccións celebraríanse 54 días despois.

Para que as eleccións sexan un domingo, como marca a tradición, e non un luns, a primeira votación tería que ser o día 2 de marzo, mércores, e por este motivo fixo a proposta de iniciar o debate coa intervención do candidato á Presidencia o día 1 pola tarde, para renovalo coa intervención dos grupos o mércores ás 9,00 horas.

En declaracións ao termo da reunión da Xunta de Portavoces, o presidente do Congreso resaltou que este formato de debate ten antecedentes, e engadiu que, aínda que fixar a data é potestade do presidente, consultou cos grupos parlamentarios na reunión da Xunta de Portavoces, e había posicionamentos en ambos os sentidos.

De acordo con esta decisión, o Pleno da semana que vén acollerá desde as 16,00 horas do martes, día 1 de marzo, Pedro Sánchez, proposto por S.M. o Rey tras as conversacións mantidas cos líderes das formacións con representación parlamentaria.

A sesión de investidura, prevista no artigo 99 da Constitución e regulado nos artigos 170 a 172 do Regulamento do Congreso dos Deputados, comeza coa intervención do candidato a presidente do Goberno, que expón ante a Cámara o programa do Goberno que pretende formar e solicita ao Congreso a confianza para facelo.

Finalizada a intervención de Sánchez, a sesión suspéndese e renóvase o mércores ás 9,00 horas cando tomarán a a palabra os representantes dos distintos grupos parlamentarios para expor a súa posición, durante un máximo de 30 minutos. O candidato á investidura respóndelles, e pode facelo un por un ou de forma agrupada. A segunda intervención dos grupos parlamentarios será, de acordo cos tempos regulamentarios, de 10 minutos.

Unha vez acabado o debate realizarase a primeira votación. A votación é pública por chamamento, é dicir, noméase aos deputados un a un, por orde alfabética a partir dunha letra elixida ao azar, para que en voz alta digan Si, Non ou Abstención á investidura. Nesta primeira votación, o candidato necesita o apoio da maioría absoluta da Cámara, é dicir, 176 deputados, para ser elixido presidente do Goberno.

Se non a obtén, realizarase unha nova votación pasadas 48 horas. Neste segundo debate, que tería lugar o sábado, día 5 de marzo, o candidato terá dez minutos para pedir o respaldo da Cámara, e os representantes dos grupos parlamentarios dispoñerán de cinco minutos. Nesta votación, o candidato será investido presidente se obtén maioría simple, máis votos a favor que en contra.

Si desexa facer algún comentario poder enviar un correo a celso.delgado@congreso.es 
Recibirá resposta