Onte tivemos reunión da Xunta Directiva do Partido Popular de Ourense, máximo órgano de dirección, con motivo do próximo inicio da campaña electoral para os comicios do 20 de decembro. A vinte días das eleccións xerais, a xunta directiva contou ademais coa participación dos candidatos populares ao Congreso e ao Senado.
Serviu para dar conta de todos os preparativos realizados para as eleccións do 20 de decembro, con especial atención aos actos de campaña que durante quince días desenvolveranse en toda a provincia, así como escoitar as inquedanzas e suxestións dos alcaldes populares.
Na mesma reunión, o presidente do Partido Popular de Ourense, Manuel Baltar, expuxo aos presentes un decálogo en defensa dos pequenos concellos, subliñando que constitúen as administracións públicas máis saneadas, as que mellor están a cumprir cos obxectivos de estabilidade e as que menos custan. Os concellos, dixo Baltar, son o eixo da vertebración do territorio e garanten os servizos públicos esenciais para os seus veciños. Pero sobre todo, engadiu, “son esenciais para combater un dos problemas máis importantes que ten a nosa provincia, como é o despoboamento do medio rural”.
Esta mesma cuestión foi tratada por Miguel Ángel Viso, número un ao Congreso e que falou en nome de todos os candidatos, incidindo no feito de que vivimos nunha provincia rural “territorio polo que hai que traballar e que ten moitas potencialidades que temos que explotar”.
Recibirá resposta
Recibirá resposta
