domingo, 6 de diciembre de 2015

Eleccións Xerais 2015: De campaña en O Barco, A Rúa de Valdeorras e en O Carballiño

Onte pola mañá os candidatos do PP ao Congreso  visitamos a comarca de Valdeorras, sendo nosa primeira parada en O Barco de Valdeorras, reuníndonos na sede con Moisés Blanco, Presidente local do PP e outros militantes e simpatizantes. 

Alí falamos do desenvolvemento rural, do sector vitivinícola, do importantísimo sector da lousa e por suposto das infraestruturas viarias, como a A-76 e a Circunvalación do Barco.

Logo desprazámonos ata a empresa "Castañas Barredo", que desde hai décadas prepara e comercializa este froito que cada outono é recolleito en Galicia por unhas 10.000 persoas

Ademais de visitar as instalacións pudiemos constatar como esta comarca ten na castaña unha das principais actividades para dinamizar a economía rural e fixar poboación.


Despois desprazámonos ata A Rúa de Valdeorras, onde fomos recibidos polo presidente local Avelino Garcia Ferradal e un nutrido grupo de militantes e simpatizantes e percorremos as rúas desta importante Vila. Nesta tarefa fomos acompañados pola conselleira de infraestruturas Ethel Vázquez.

Pola tarde acompañei ao alcalde de Ourense Jesús Vazquez a unha visita á parroquia ourensá de Ceboliño, mantendo alí un encontro con veciños, aínda que debín marchar antes de que finalizase esta reunión para viaxar a O Carballiño.

No auditorio desa  vila tivemos un mitin organizado polo Partido que contou coa presenza do presidente do PP de G, Alberto Núñez Feijoo, e no tamén interviron o presidente provincial do partido, Manuel Baltar, o candidato número uno da lista ao Congreso, Miguel Ángel Viso, e o presidente local da formación, Argimiro Marnotes.

 O Carballiño, dixo Manuel Baltar, “ten na emigración unha parte moi importante da súa historia, unha historia chea de relatos duros, difíciles, con protagonistas que merecen todo o noso recoñecemento”. Neste sentido, o presidente dos populares ourensáns avogou por seguir traballando “para que todos os ourensáns que emigraran, especialmente nestes últimos anos, podan ter unha oportunidade para voltar á sua terra”

Mitín O Carballiño

De oportunidades tamén falou o cabeza de lista do PP ao Congreso, Miguel Ángel Viso, ao lembrar o potencial que ten O Carballiño en sectores como o termalismo, “onde sabedes que non só tendes un gran pasado, senón tamén un prometedor futuro grazas ao labor do noso presidente provincial desde a Deputación, o que suporá unha fonte de riqueza e emprego, traballo cualificado ao que poderán optar os nosos mozos, ansiosos de oportunidades”.

 O presidente do PPdeG, Alberto Núñez Feijóo, asegurou que o PP é o único partido que defende a Galicia e España da mala xestión, da ruptura e da discriminación ante os que nunca din España ou que nunca se lles escoita dicir Galicia.

Feijóo salientou que os populares acadaron que xiraran as nosas expectativas cara a certeza dun futuro mellor e garanten que se siga creando emprego e baixando impostos, recordando así que non se vai repoñer o tributo de sucesións que tanto custou quitar en Galicia.

Ao mesmo tempo, engadiu tamén que o PP reivindica os valores constitucionais e cre na cohesión territorial, no cumprimento da legalidade e no investimento para equipararnos en oportunidades.


Pola contra, sinalou que nin van defender Galicia os que din que non lles importa nada España; nin van defender o país os que demostran que non lles preocupa a nosa comunidade; así como tampouco van apoiar aos españois e aos galegos aqueles que os afundiron hai catro anos.

Por todo isto, para o dirixente do PPdeG só hai un candidato que pode gobernar coa cabeza posta en toda España pero co corazón en Galicia e ese é Mariano Rajoy.

Afirmou que recoñecen con humildade que non está todo conseguido e que aínda quedan cousas por facer e conseguir, ao tempo que lembrou que demostraron ter capacidade para afrontar os problemas e acadar solucións, podendo presentar un balance ante outras forzas políticas quen non o teñen ou o esconden por bochorno.

Así, Feijóo recordou que o Goberno do PP fixo máis do que nunca antes fixo ningún outro partido por Galicia e que hai un compromiso con esta terra que permanecerá ata situarnos conectados co resto dos españois en igualdade de oportunidades.

Si desexa facer algún comentario poder enviar un correo a celso.delgado@congreso.es 
Recibirá resposta