Celebramos
onte no auditorio municipal de Ourense o acto conmemorativo do XXXVII aniversario
da aprobación da Constitución Española de 1978.
Unha
celebración que tivo o seu acto central no Congreso dos
Deputados, onde o presidente do Goberno asegurou que a Constitución "goza dunha saúde moi
boa" e supuxo "poñer de acordo a moitísimos españois", nun
momento no que "se apostou pola concordia, o diálogo e a tolerancia e
díxose, 'imos deixar de mirar ao pasado e miremos cara ao futuro'".
A
Constitución, engadiu , "tróuxonos liberdade, democracia, a garantía dos
nosos dereitos individuais e das nosas liberdades e afirmou a unidade da nación
española e a soberanía nacional".
Todo
iso, destacou Mariano Rajoy, permitiunos "entrar en Europa e no euro"
e "coincidiu co momento de maior progreso da historia de España".
Hoxe, "temos que seguir traballando para mellorar, pero estamos á cabeza
dos países de Europa e do mundo".
No
acto de Ourense o subdelegado do Goberno en Roberto Castro, nun brillante
discurso, defendeu a vixencia da Carta Magna e lembrou que "fomos exemplo
para moitos, fóra das nosas fronteiras, e seguimos a selo, polo noso admirable
proceso de transición".
Preguntouse "¿por qué algúns renegan do que
tanto lle custou acadar a tantos, que tiveron que antepoñer o interese de todos
ao seu propio e lexítimo interese?", á vez que destacou que España é o
país "que amamos e do que formamos parte", sin que esto menoscabe
"a nosa paixón e pertenza a Galicia, a Ourense ou ao recuncho onde tivemos
a sorte de nacer cada un de nós, cada unha de nós, xa sexa aquí ou en calquera
parte do Estado".
Tamén foron entregadas distincións ao mérito civil a Demetrio Martínez, Teresa Ramos, Pablo Medela, Francisco Rodríguez Vale, José Miranda Balvís e Fernando Santos Ferrer.
E tres distincións especiais que recaeron na congregación de Adoratrices de Ourense, no médico Andrés Villalón e na funcionaria do Estado, María Isabel González.
Destacar a estupenda actuación da Banda xuvenil da Escola de Música de Barbadás.
Si desexa facer algún comentario poder enviar un correo a celso.delgado@congreso.es
Recibirá resposta