A responsabilidade do Partido Popular foi o antídoto ao rescate de España e as reformas impulsadas polo Goberno e apoiadas polo GPP foron o fundamento da recuperación

Asisto hoxe no Congreso dos Deputados a unha reunión do Grupo Parlamentario Popular 

Comezou o acto coa intervención do portavoz do PP, Rafael Hernando que dirixíndose ao Grupo dixo «Estou moi orgulloso de todos vós e podedes estalo tamén de vós mesmos»,  subliñando que todo o feito estes anos foi grazas a unha «maioría estable» e pediu aos cidadáns que nas eleccións «non se confundan» e volvan apostar pola devandita maioría.

Logo foi a quenda do ministro de Sanidade e antes portavoz do grupo parlamentario, Alfonso Alonso, que afirmou o «orgullo» que deben sentir os populares polo seu labor «desde o orgullo do traballo ben feito e de que cumpristes agora saíde á rúa e contádelo, para pedir o apoio á xente»

Pechou o acto a  vicepresidenta do Goberno, Soraya Sáenz de Santamaría que comezou lembrando que" tal día como onte, fai exactamente catro anos, tiña lugar a constitución da actual Lexislatura. Desde entón transcorreron 1401 días. E cambiaron moito as cousas.

Dixo que :"viñamos dunha Lexislatura na que por este Parlamento non pasara nin unha soa reforma e si moitos recortes. A situación alcanzou tal gravidade que dous meses antes das eleccións tivemos que aprobar unha reforma constitucional, ante a sombra dunha intervención inmediata" 

A vicepresidenta quixo lembrar o que pasou eses días para aqueles que agora critican que este Grupo Parlamentario traballe ata o último momento. E afirmou que : "A responsabilidade do Partido Popular foi o antídoto ao rescate de España e as reformas impulsadas polo Goberno e apoiadas por este Grupo foron o fundamento da recuperación. En definitiva, pasamos. da maior recesión de toda a democracia ao maior crecemento da zona euro. E da maior destrución de emprego da historia á maior creación de emprego da zona euro. Ese é o verdadeiro balance destes 1.401 días. Esta é a medida do cambio que impulsamos no noso país. É o resultado de moitos esforzos, que non saben valorar todos os que non queren recoñecer que non foron en balde."

Saénz de Santamaría dixo que :"nunca un Grupo Parlamentario, nin un Goberno, tiveran que afrontar un escenario tan difícil. Con tantos problemas e tan pouca axuda.

Pero nunca un Grupo Parlamentario había recibido un mandato tan claro dos cidadáns. Nin un Goberno demostrara tanta determinación para cumprir os seus compromisos. Por iso, nunca se acometeron tantas reformas, nunca se adoptaron tantas medidas transcendentes. E nunca se aprobaron tantas Leis de calado. É difícil resumir unha tarefa tan ampla en 100 Leis. Porque máis difícil foi o traballo que as acompañou". 

E tras uhn repaso ás leis aprobadas agradeceu ao Grupo Popular por manter o pulso e o impulso, por garantir o respaldo ao Goberno. 

Si desexa facer algún comentario poder enviar un correo a celso.delgado@congreso.es 
Recibirá resposta

Con la tecnología de Blogger.