Reinicio neste mes de
setembro a miña habitual participación no faladoiro de Radio Voz que dirixe Antía Díaz Leal, e
no que hoxe intervín ao igual que Pablo
Mosquera Mata e José
Ramón Amor Pan.
Abordamos
en primeiro lugar os problemas do sector lácteo, e dixen que a Xunta estivo,
está e estará a carón dos gandeiros.
Dixen que
estamos diante dun problema de sobre
oferta con repercusión no prezo do leite
que afecta a Galicia, o conxunto de España e outros países de Europa nos que hai
mobilizacións en Francia e en Bruxelas.
Valorei positivamente a decisión da Unión Europea de
destinar 500 millóns de euros para paliar a falla de liquidez das explotacións
leiteiras. E dixen que mañá celebrarase
en Madrid unha xuntanza, na que participará o Ministerio, a industria, a
distribución e o sector produtor, da que agardamos que saia un acordo que
permita a construción de valor do leite e que manteña un prezo sustentable para
o gandeiro.
Tamén destaquei que o ámbito europeo, a
ministra García Tejerina
traballou para defender a adopción de medidas que permitan reequilibrar o
mercado comunitario. E que grazas a este esforzo, como alternativa á suba do
prezo de intervención, se inclúe unha nova medida excepcional de mercado:
retirar leite desnatado en po.
Falamos logo de que o Prresidente
de la Comisión Europea, Jean-Claude Juncker, esixiu hoxe aos 28
Estados da UE
que recoloquen 120.000 refuxiados chegados a Italia, Grecia e Hungría, e
insistiu en que esta repartición debe ser obrigatoria.
Durante esta primeira intervención, Juncker tamén propuxo crear un fondo fiduciario de
emerxencia de 1.800 millóns de euros, que comezará con 1.800 millóns de euros
para facer fronte á crise no Sahel,
no Corno de África e o norte de África.
Manifestei a miña coincidencia coas proposta de Juncker no sentido de que a máxima
prioridade é e ten que ser a crise dos refuxiados.
Estamos ante unha crise humanitaria de primeira orde e Europa non pode
renunciar de ningunha das maneiras a dar asilo a aquelas persoas que teñan
dereito a este conforme ao dereito internacional. E recordei a posición do
Goberno de España de asumir os 15.000 refuxiados que lle serán asignados,
porque o noso país é solidario, responsable e temos capacidade para iso.
Recordei que onte a ministra Fátima
Báñez VIII presidiu a Conferencia Sectorial de Inmigración e
Emigración en Madrid para analizar, e dar resposta á acollida dos refuxiados
sirios que debe ser común, leal, eficaz e ofrecer a esas persoas un futuro
digno.
E que para iso ten encomendou ás direccións xerais das CCAA a que canalicen os recursos a
través do sistema de coordinación ofrecido pola Secretaría Xeral de Inmigración
e Emigración, xunto coa FEMP.
Unha conferencia na que
participou a Conselleira Beatriz Mato, e
na que amosou a absoluta colaboración” do Goberno galego para a acollida destas
persoas anunciando a creación inmediata dun grupo de traballo
interdepartamental no seo da Xunta de Galicia, no que tamén participarán as
ONGs e a Federación Galega de Municipios e Provincias (Fegamp), co fin de
unificar os recursos e servizos dispoñibles nos distintos departamentos
autonómicos, así como os pertencentes ás entidades sociais e locais.
