O próximo martes 30 de
xuño celebraremos unha sesión da Comisión de Fomento na que debateremos e
previsiblemente aprobaremos o Informe elaborado pola Subcomisión de Estudo e Análise do Sistema Ferroviario Español.
Unha Subcomisión cuxa creación foi aprobada polo Pleno do Congreso o 10 de
outubro de 2013 e cuxo obxecto era elaborar un informe sobre a situación das
infraestruturas ferroviarias e as propostas de mellora do sistema ferroviario
español en prol de conseguir maior seguridade, prevención, competitividade,
cohesión e articulación territorial.
Subcomisión que nacía como unha reacción parlamentaria tras o tráxico accidente
acontecido en Angrois,
Santiago de Compostela o 24 de
xullo de 2013 que conmocionou a todos os cidadáns, e ao sector ferroviario.
Comezou a súa actividade a Subcomisión o 30 de
outubro procedendo á aprobación do seu plan de traballo, fixándose un listado
de 40 comparecentes por proposta de todos os Grupos e acordándose a súa
agrupación por categorías (catedráticos, profesores e expertos, representantes de empresas do sector, representantes dos sindicatos ferroviarios, cargos das diferentes Administracións e empresas públicas, etc.).
A partir do 26 de novembro de 2013, comezaron as comparecencias que tramitamos
en 16 sesións, despois de recibir a un total de 39 comparecentes, que
libremente escolleron a súa temática e que amablemente responderon ás moitas
preguntas dos deputados integrantes da Subcomisión.
Tamén estes comparecentes achegaron documentación moi valiosa que puxeron a
disposición da Subcomisión e que no informe se referencia. Moitas grazas a todos eles.
Finalizadas estas
comparecencias celebramos varias sesións para deliberar e redactar o informe,
podendo todos os Grupos Parlamentarios presentar propostas de textos,
alternativas, etc.
E finalmente, coas achegas dende todos os Grupos, chegamos a un Informe, que
foi aprobado pola Subcomisión o pasado 24 de xuño e que é un documento de
síntese, e o resultante dun moi alto nivel de consenso entre os integrantes da
Subcomisión de Estudos, de tal sorte que non tivo ningún voto en contra, sendo avalado
por GPP, GPS, GPCiU e as
abstencións do GPIU,
GPV e GPMixto.
Informe que metodoloxicamente organizamos en tres partes, a primeira na que se
recolle todo o que acabo de citar, a segunda parte deste informe, que recolle
de xeito obxectivo un resumo e análise das diferentes comparecencias
celebradas. E como consecuencia do anterior, unha terceira parte do informe
onde enumeramos as principais conclusións e recomendacións ás que chegamos os
integrantes da Subcomisión, dende a nosa perspectiva política.
O martes próximo debaterase este Informe que tiven a responsabilidade de
coordinar e será o momento de que tras escoitar as posicións dos voceiros dos
diferentes Grupos Parlamentarios, a Comisión de Fomento, que é soberana, se pronuncie ao
respecto.
Por iso agardo á súa aprobación para comentar o seu contido, especialmente o relativo ao apartado de conclusións e de recomendacións.
Por iso agardo á súa aprobación para comentar o seu contido, especialmente o relativo ao apartado de conclusións e de recomendacións.
Si desexa facer algún comentario poder enviar un correo a celso.delgado@congreso.es
Recibirá resposta