Hoxe no Consello de Ministros fíxose
balance da reforma das políticas activas de emprego, cualificada como "esencial"
polo vicepresidente do Goberno.
Soraya Sáenz de
Santamaría subliñou que, "por primeira vez no noso país, asistimos" á
creación de emprego" "por enriba mesmo da cifra de ritmo de crecemento".
Pola
súa parte, a ministra de Emprego e Seguridade Social, Fátima
Báñez, sinalou que "España crece e crea emprego e, ademais, lidera o
crecemento e a creación de emprego na zona euro, pero somos moi conscientes de
que nos queda moito camiño por percorrer e moitas oportunidades que encontrar
aos máis de 4,3 millóns de persoas que aínda permanecen nas listas do paro
rexistrado".
O número de desempregados nos rexistros oficiais reduciuse no
último ano (ata abril) en 351.285 persoas -o que representa unha baixada do
7,5%-, e nese mesmo período creáronse 578.243 empregos, a un ritmo do 3,52%
interanual. Báñez tamén remarcou que o paro caeu
entre os menores de 30 anos de xeito máis acusado, un 9,45%. O Goberno estima
que este ano se crearán 600.000 empregos, " e o desafío que temos como sociedade
é chegar aos vinte millóns de ocupados na próxima lexislatura",
indicou.
Formación e emprego estable
Fátima
Báñez presentou no Consello de Ministros un informe sobre a Estratexia de
Activación para o Emprego, un conxunto de reformas que están en marcha dende o
ano 2012 e constitúen "unha panca adicional á reforma laboral para devolver as
oportunidades aos españois". A ministra destacou a importancia que no seu
desenvolvemento tiveron o diálogo e a coordinación permanente coas comunidades
autónomas e cos interlocutores sociais.
O conxunto destas políticas conta cun
presuposto de 4.764 millóns de euros en 2015, case un 17% máis que o ano
anterior. O groso deses fondos destínase ás accións formativas (un 44%) e ás
bonificacións orientadas ao fomento do emprego estable e a inserción dos
colectivos máis vulnerables (un 31,5%).
A estratexia estrutúrase en seis grandes
eixes: coordinación e modernización, emprego xuvenil, bonificacións, formación,
vinculación entre políticas activas e pasivas, e intermediación. Báñez fixo fincapé en que, desta forma, España dispón por
primeira vez dunha estratexia nacional de activación para o emprego "pactada e
colaboradora", "transparente" e con recursos vinculados aos resultados.
Tamén apuntou que máis de 400.000 menores
de 30 anos son beneficiarios da Estratexia de Emprendimiento e Emprego Novo, e máis de 60.000 menores de
25 anos están inscritos na Garantía Xuvenil. Ademais, se "ten avanzado cara ao
emprego estable" coa axuda do novo mapa de incentivos. Máis de 235.000 persoas
benefícianse da tarifa plana aos contratos indefinidos e case 27.000 do mínimo
exento de 500 euros de cotización. A contratación indefinida a tempo completo,
sinalou a ministra, creceu un 20,7% no que levamos de 2015.
O impulso á Formación Profesional Dual traduciuse en 340.000 contratos de formación e aprendizaxe dende a súa reforma.
Si desexa facer algún comentario poder enviar un correo a celso.delgado@congreso.es
Recibirá resposta
