A nova Lei do Sector Ferroviario consolida o rigor na planificación e
construción de novas infraestruturas e propicia a apertura da rede para
potenciar o uso da alta velocidade mediante a mellora da calidade e o aumento
da oferta.
Ademais, supón un novo marco xurídico completo aplicable ao sector ferroviario,
consolida a reforma emprendida polo Executivo e, ademais, adapta a normativa á
creación da Axencia de Seguridade Ferroviaria, reforzando todos os mecanismos
relativos á seguridade.
O texto reforza os mecanismos para unha planificación rigorosa das
infraestruturas ferroviarias, esixindo que existan as fontes de financiamento
suficientes. Establécense 3 instrumentos:
. A
"Estratexia Indicativa" a elaborar polo Ministerio de Fomento, como
instrumento de planificación da infraestrutura (desenvolvemento, mantemento e
renovación).
. Un "Programa de Actividade" a elaborar polos administradores de
infraestruturas (Adif,
Adif-AV), segundo a
"estratexia indicativa" e que deberá recoller a previsión de
actuacións a realizar e unha previsión orientativa dos seus canons para os
próximos 5 anos.
. Un convenio ADIF/ADIF-AV-Ministerio de
Fomento que estableza os obxectivos a alcanzar por ADIF e as achegas económicas do Estado.
Así mesmo, establece un novo sistema de canons co obxectivo de incrementar o
uso da rede de ferrocarrís española. Entre outras novidades, destaca a
supresión do canon anual de acceso á rede e a bonificación da posta en marcha
de novos servizos ferroviarios.
Xunto
a iso, inclúense novas medidas para mellorar a competitividade do transporte
ferroviario de mercadorías como o establecemento de medidas liberizadoras dos
servizos que se prestan nas terminais ferroviarias públicas, que supoñerán unha
redución de custos; a imposición de novas condicións de transparencia para a
actuación dos administradores de infraestruturas; a simplificación do réxime
tarifario e das autorizacións necesarias; a eliminación do canon de acceso
supón eliminar unha importante barreira á entrada; e o impulso do papel dos
portos como administradores das infraestruturas ferroviarias dentro do seu
dominio público.
Ademais,
establécese que as empresas deben contar cun plan de asistencia a vítimas e se
recollen os dereitos das vítimas de accidentes.
Por outra parte, o texto inclúe un novo título específico dedicado a seguridade
ferroviaria, que non existe na lei vixente e adáptase o seu contido á creación
da nova Axencia de Seguridade Ferroviaria que será independente e non poderá
encomendar funcións dos administradores de infraestruturas, empresas
ferroviarias ou entidade adxudicadora, dotándoa de mecanismos propios de
financiamento, co obxecto de reforzar a súa independencia.
Por último, formúlase un réxime sancionador máis proporcional, reforzando as
sancións sobre dereitos dos pasaxeiros e aspectos relacionados coa seguridade.
Si desexa facer algún comentario poder enviar un correo a celso.delgado@congreso.es
Recibirá resposta