Onte o presidente do Goberno Mariano Rajoy
clausurou II Foro de Emprendedores e Autónomos organizado pola Federación
Nacional de Traballadores Autónomos (ATA).
Na súa intervención, Mariano
Rajoy subliñou o protagonismo dos autónomos na recuperación da
economía española, xa que souberon "construír e non destruír" e
aguantar nos momentos complicados: "Hoxe hai en España 43.000 autónomos
máis que cando chegamos ao Goberno e, ademais crearon moito emprego neto".
Destacou que España necesita dos seus sonos, do seu esforzo, dedicación e
vontade emprendedora: "Haberá máis emprego, máis benestar e máis riqueza
se hai máis pequenas e medidas empresas e máis autónomos no noso país. O
autónomo é hoxe a medula espiñal da economía española, e é un grande activo para
o noso país, necesitámolos".
Rajoy afirmou
que as propostas dos autónomos son "interesantes e xustas", e que as
atenderá na medida que poida facelo. Neste sentido, anunciou que o Goberno
presentará nas próximas semanas o Proxecto de Lei de Actualización do Estatuto
do Traballo Autónomo e de Fomento da Economía Social.
Un
documento que, "vai ordenar e a sistematizar o conxunto de incentivos ao
autoemprego que hoxe se encontran en vigor coa finalidade de proporcionar unha
maior claridade e seguridade xurídica".
E que incorporará novos incentivos como "permitir que aqueles autónomos
que xa se están a beneficiar da tarifa plana poidan contratar empregados sen
que iso signifique que teñan que renunciar aos incentivos previstos, e a
posibilidade de que os futuros autónomos ou emprendedores, de calquera idade,
poidan capitalizar ata o cen por cento da prestación por desemprego para
iniciar unha actividade por conta propia ou, se o prefiren, compatibilizar a
prestación co inicio dunha actividade emprendedora"
Mariano Rajoy
recordou que España crece e crea emprego por primeira vez nos últimos anos e,
ademais, está na cabeza do crecemento en Europa: "O ano 2014 foi o
primeiro dende 2006 no que en España se crea emprego e baixa o paro".
Non obstante, o presidente dixo que a creación de emprego ten que seguir sendo
"a gran prioridade nacional" e formulou que España necesita nos
próximos "catro anos longos" chegar aos 20 millóns de persoas
traballando.
"O ano pasado, 2014, creáronse 440.000 empregos netos crecendo ao 1,4%.
Este ano imos crecer, polo menos, ao 2,4%; polo tanto, entre os anos 2014 e
2015 vanse crear en España un millón de postos de traballo netos, e nos
próximos anos hai que crear, polo menos, 500.000 postos de traballo ao ano, e
pódese facer, é absolutamente posible",pronosticou.
Si desexa facer algún comentario poder enviar un correo a celso.delgado@congreso.es
Recibirá resposta