Forte investimento para estender o acceso ultrarrápido a internet de máis de 16.500 centros docentes de primaria e secundaria

Onte asinouse en La Moncloa un relevante Convenio subscrito polos Ministerios de Educación e Cultura, de Economía e Competitividade e de Industria, Enerxía e Turismo. Os titulares destas carteiras, José Ignacio Wert, Luis de Guindos e José Manuel Soria, respectivamente, rubricárono, nun acto presidido polo presidente do Goberno, Mariano Rajoy.

Investiranse 330 millóns de euros en estender o acceso ultrarrápido a internet de máis de 16.500 centros docentes de primaria e secundaria, díeses con fondos públicos. O citado convenio, beneficiará a máis de 6,5 millóns de alumnos.

Na súa intervención Mariano Rajoy, asegurou que investir en educación é "investir en mellorar as persoas" e é o mellor investimento no porvir. Apostar pola educación "é o mellor que podemos facer pola España de hoxe e, sobre todo, pola España de mañá".

O presidente do Goberno explicou que o sistema educativo español, que conta con 670.000 profesores que traballan en máis de 28.000 centros docentes, ofrece a mesma calidade e as mesmas oportunidades a todos os nenos, vivan nas zonas rurais ou nos grandes núcleos urbanos. Así todos teñen garantida a igualdade de oportunidades.

Rajoy resaltou que o convenio subscrito ten un obxectivo claro: "Que todos os estudantes dispoñan das infraestruturas necesarias para aprender coas últimas tecnoloxías educativas dispoñibles, independentemente da súa situación xeográfica,". Porque, agregou, o presente xa é dixital e o futuro vaino ser moito máis.

Tamén afirmou que, se ben se avanzou na incorporación das novas tecnoloxías ás aulas, non se desenvolveu á mesma velocidade a conexión a internet. "É o que este convenio vén a solucionar", sinalou o presidente. Trátase de "unha aposta decidida para a modernización da educación a nivel nacional, unha aposta que contribúe especialmente a diminuír a brecha dixital e a fomentar a igualdade de oportunidades".

Si desexa facer algún comentario poder enviar un correo a celso.delgado@congreso.es 
Recibirá resposta
Con la tecnología de Blogger.