Finalizou hoxe o
Debate sobre o estado da Nación, coa intervención do Presidente do Goberno,
Mariano Rajoy.
Continuou: "Señoría, fala vostede dos investimentos en Galicia. Eu creo que se fixo un
esforzo importante aínda en situacións de extrema dificultade. Culminamos unha
obra moi importante para Galicia como é á-8, estas obras foron prioritarias
para o Goberno e o investimento en Galicia que se fixo nesta lexislatura foi de
167 millóns de euros, fundamentalmente nos tramos que vostede coñece: Lorenzana- Mondoñedo,
Mondoñedo-Lindín
e Lindín-Careira.
Na autovía 54 imos poñer en marcha Santiago-Lugo este ano 2015;
42,3 novos quilómetros de autovía. Creo que este é un dato positivo para
Galicia. O 27 de febreiro, é dicir xa, imos colocar a primeira pedra para a
ampliación da capacidade da autoestrada AP-9 na circunvalación de Santiago, algo que
sen dúbida ningunha é moi positivo para Galicia. Tamén en 2015 imos retomar a
autovía A-56
entre San Martiño
e Barrela Norte;
acabamos de licitar un tramo de A-57 e está prevista a licitación do seguinte
tramo da circunvalación de Pontevedra.
O presuposto do grupo Fomento
para Galicia en 2015 é de 1.563 millóns de euros, o cal creo que é moi
razoable".
Sobre o AVE a
Galicia dixo que " a consignación presupostaria desta lexislatura foi de máis de 3.000 millóns
de euros e supuxo un pulo moi importante. O obxectivo é finalizar as obras en
2018. E no horizonte de 2015 xa terá habido aforros de tempo moi importantes
nas conexións Madrid-Vigo,
Madrid-Pontevedra
e Madrid-A Coruña. No eixo atlántico, as obras van finalizar no ano 2015, este
ano. Santiago-Vigo: 45 minutos; Coruña e Vigo: un minuto e
dez minutos. Aforros de trinta e seis e corenta e sete minutos. Algunhas cousas
tamén se fan, aínda que vostede parece non querer decatarse."
Sobre o sector naval dixo: "Falou vostede de Navantia,
un tema moi importante que podo asegurarlle que me ocupou e me segue ocupando
na miña condición de presidente do Goberno. ero algunhas cousas tamén se fixeron, o
que pasa é que esas cousas a vostede ou non lle importan ou non nolas quere
contar. Conseguiuse reactivar a contratación no sector utilizando un novo
sistema do tax
lease. Créame
vostede que non foi unha batalla das doadas que houbo que dar. O Grupo Pemex adquiriu
a finais do anos 2013 -algo influímos algúns- o 51% do estaleiro Barreras e en
febreiro de 2014 asinou un contrato para a construción dun buque flotel valorado en
298 millóns de euros. Si, algúns algo fixemos; non sei o que fixo vostede, pero
me temo que os resultados non están moi á vista. Tamén, un novo flotel nas factorías
da ría de Ferrol
e, así mesmo, o Consello de Ministros acordou a contratación de dous buques de
acción marítima, un deles en Cádiz e outro en Ferrol. Polo tanto, hai cousas nas que
se vai avanzando; hai decisións que se van tomando; hai cousas que van mellor e
non me parece xusto que veña vostede aquí a pintar un panorama como o que
pintou porque, entre outras cousas, iso lle resta credibilidade a vostede
mesma, cousa que persoalmente tampouco me preocupa moito, pero creo que a
vostede si debese preocuparlle".
Sinalou que "fai tres anos longos nesta Cámara dixen que os grandes obxectivos para esta lexislatura eran parar a sangría do paro, empezar a crecer e crear emprego. Tres anos despois podemos dicir o seguinte. A sangría do paro parouse. Agora toca continuar. Empezar a crecer, comezouse. Agora toca continuar. Crear emprego, xa se creou por primeira vez en España en 2014 e agora toca perseverar, e este é o obxectivo para os próximos meses e para os próximos anos"
E engadiu: "Se
facemos as cousas ben, se actuamos con sensatez, se seguimos coa política de
consolidación fiscal e as reformas estruturais, a pouco que nos axude o que hai
fose, este país poderá crear 500.000 postos de traballo ao ano igual que o ano
pasado 2014 creou 430.000 postos de traballo e con iso chegar ao horizonte dos
20 millóns de persoas que xa estiveron a traballar no noso país e que nos dará
moita tranquilidade de futuro. Pódese facer e imos traballar para que se faga".
Dixo confiar na capacidade de España, nos españois e na súa xenerosidade. Citou moi bos exemplos ao longo destes anos difíciles de crise. Primeiro o do sector exportador, entre outros de bens de equipo, de produtos químicos, de automóbiles e de moitos produtos da industria agroalimentaria. Deu tamén as grazas a todas as pemes, autónomos, a todos os traballadores españois, a todos os funcionarios, a tanta e tanta xente que viviu e moita da cal aínda vive en situación de dificultade.
Insistiu a que imos crecer
o ano que vén polo menos o 2,4 e que sería desexable que algúns acontecementos
que non dependen directamente de nós fosen ben, referíndose á situación da economía
en Europa, ao acordo ou non acordo con Grecia, ao prezo do petróleo, ao tipo de
cambio, ás decisións que poida tomar o BCE.
Aínda que dixo que o máis importante é que nos ocupemos daquilo que é responsabilidade nosa. "Por iso digo que hai que seguir perseverando e sobre todo hai que decatarse de onde estamos". "Decatémonos do que temos. Pasamos unha etapa dunha enorme dificultade. Imos levantando cabeza. Eu creo que se facemos as cousas con sensatez e sentido común, España seguirá tendo moito máis futuro que pasado, que non é pouco".
Si desexa facer algún comentario poder enviar un correo a celso.delgado@congreso.es
Recibirá resposta
