Rajoy: En 2011, en España se reducía o emprego un 8% ao ano; agora estase a crear un 5% ao ano".

Hoxe tivemos no Pleno do Congreso dos Deputados, a sesión de control, na que o presidente do Goberno afirmou que "España xa está a enfocar e enfila claramente o camiño da recuperación económica".

 

Ao respecto, sinalou que "en 2011, en España se reducía o emprego un 8% ao ano; agora estase a crear un 5% ao ano".

En resposta a unha pregunta do voceiro de Esquerda Plural, Alberto Garzón, Mariano Rajoy recordou que o ano 2012 foi un ano de "enormes dificultades para todos os españois".

Entre outras cousas, "España estaba ao bordo da quebra, a punto de saír do euro" e "había moitos que reclamaban que fose rescatada".

 

 O presidente agregou que "iso se puido evitar e, con iso, evitamos algúns recortes moi duros, sobre todo en materia de pensións e de desemprego,".

O presidente insistiu en que "entre 2014 e 2015 o número de afiliados á Seguridade Social vai aumentar en máis dun millón de persoas". Segundo explicou, ese é un dato moi positivo e demostra o cambio de tendencia que se produciu no noso país nos últimos anos".

Rajoy dixo que se fixo fronte á crise económica e se logrou manter o sistema de pensións e o seguro de desemprego, prorrogouse o Plan PREPARA e, ademais, pactouse coas organizacións sindicais UGT e CCOO un programa para parados de longa duración con cargas familiares. E engadiu que "queda moito por facer, pero démoslle a volta a unha das situacións máis complexas que nos encontramos" "en moitos anos".

Ao líder do PSOE, Pedro Sánchez, o presidente do Goberno respondeulle que no ano 2015 "as cousas van ir mellor, vai haber un maior crecemento económico" e engadiu que estamos a enfocar e enfila claramente o camiño da recuperación económica".

Mariano Rajoy tamén reprochou ao dirixente socialista que "quen liquidou os dereitos laborais dos españois foi quen mandou 3,4 millóns de persoas ao paro". Ademais acusou o PSOE de negar a crise cando gobernaba e de non recoñecer a existencia da recuperación agora: "Ignorar a realidade é un excelente xeito para non poder tomar ningunha decisión".

Neste sentido, o presidente do Goberno subliñou que, en 2014, a economía española creceu, "tras seis anos de crecemento económico negativo". Ademais creouse emprego, aumentou o número de afiliados á Seguridade Social por primeira vez en sete anos e os contratos indefinidos subiron o 19%. Rajoy tamén destacou que a inflación está controlada e que están a aumentar o turismo, as exportacións e o consumo".

Rajoy recoñeceu que "o cambio non é suficiente, pero no ano 2011, en España reducíase o emprego un 8% ao ano. Agora estase a crear un 5% de emprego ao ano". E avanzou que "iso o verán vostedes na EPA de mañá".

http://www.lamoncloa.gob.es/presidente/actividades/Paginas/2015/210115rajoysesioncontrol.aspx