lunes, 19 de enero de 2015

Ana Pastor no Foro Ourense Nova Velocidade



Despois da inauguración da Praza de Abastos da ponte, acompañamos á ministra de Fomento Ana Pastor ao Centro Cultural 'Marcos Valcárcel' da Deputación Provincial, onde dende as 13,00 horas se celebrou un foro-comida organizado polo Diario La Región e patrocinado por Copasa.

Abriu o acto o conselleiro- delegado do diario, Oscar Outeiriño e logo efectuou a presentación da ministra, o presidente da Deputación Provincial, Manuel Baltar.

Logo foi a quenda da Ministra que pronunciou un discurso no que reafirmou que  traballa para que a Alta Velocidade chegue a Galicia en 2018.


Ana Pastor, destacou que no conxunto da lexislatura se investirán 14.245 millóns de euros na alta velocidade. "Unha cifra que pon de manifesto o compromiso deste Goberno para que a AVE chegue a gran parte da xeografía española", engadiu.
Dixo que algúns dos fitos máis importantes en alta velocidade que tiveron lugar entre 2012 e 2014 foron, entre outros, a chegado da AVE a Figueras, a AVE a Alicante, o inicio dos servizos internacionais de alta velocidade con Francia ou a posta en servizo de varios tramos da liña Sevilla-Cádiz e do Eixe Atlántico.
Aludiu tamén á nova política comercial e tarifaria posta en marcha por Renfe, que permitiu pechar 2014 como un ano récord nos servizos de AVE e larga distancia, con máis de 29 millóns de viaxeiros, fronte aos 25,4 millóns de 2013 e os 22,3 de 2012.
Neste punto, subliñou que o tráfico ferroviario entre Madrid e Galicia pechou 2014 con 846.517 viaxeiros, un 33% máis que no ano 2013.
Ademais, a ministra sinalou que dende 1992, ano en que se puxo en servizo a primeira liña de AVE, máis de 200 millóns de persoas viaxaron en trens de alta velocidade. Todo este traballo permitiu, que o modelo triunfe no exterior. Así, recordou que, por exemplo, en Arabia Saudí se está a impulsar a liña La Meca-Medina, na que traballa con grande eficacia a empresa ourensá COPASA.

Respecto á chegada da alta velocidade a Galicia, a ministra afirmou que supón unha das maiores apostas deste Goberno en materia de infraestruturas. "A envergadura deste proxecto require dispoñer de importantes recursos, tanto económicos coma humanos, para avanzar a bo ritmo e lograr os obxectivos desexados".
Neste sentido, destacou que a dotación presupostaria total para a liña de alta velocidade Olmedo - Zamora - Lubián - Ourense - Vigo ascendeu, nesta lexislatura, máis de 3.500 millóns de euros.
Con estas dotacións e investimentos foi posible, entre outras actuacións, finalizar todas as obras de plataforma de Olmedo-Zamora, incluído o tramo da estación de Zamora, e ter en execución todas as obras dos tramos entre Zamora e Lubián (salvo o túnel de Padornelo vía esquerda, en proxecto) e entre Lubián e Taboadela.
Tamén dixo que foi posible avanzar na montaxe da vía e instalacións entre Olmedo e Zamora, e iniciar os traballos entre Zamora e Pedralba, e ter en execución as obras da fase 1 da remodelación da estación de Zamora e iniciadas as obras da fase 2.
A ministra de Fomento sinalou que este mesmo ano, chegará a alta velocidade a Zamora. Esta importante posta en servizo supoñerá unha mellora de 30 minutos nos tempos de viaxe entre Madrid e todas as capitais galegas, situando Ourense, en particular, a pouco máis de catro horas de Madrid.
Ademais da AVE a Galicia, a ministra tamén se referiu ao Eixe Atlántico, que vai reforzar a conectividade de Galicia. "Estamos a falar dunha infraestrutura clave para todo o territorio galego, que supoñerá un novo revulsivo para a economía desta rexión," indicou Pastor, quen sinalou que se traballa co obxectivo de completar a conexión entre Santiago e Vigo este mesmo ano.
Esta infraestrutura conta cunha dotación nos presupostos nesta lexislatura de 837,82 millóns de euros. Grazas á súa construción poderase viaxar entre Vigo e A Coruña en 1 hora e 10 minutos e entre Santiago e Vigo nuns 45 minutos.



https://www.youtube.com/watch?v=NceOhVquW0A#t=4926

Si desexa facer algún comentario poder enviar un correo a celso.delgado@congreso.es 
Recibirá resposta