As emendas presentadas contribuirán de xeito activo ao obxectivo de intentar crear máis de 350.000 empregos ao longo de 2015 e a que a economía española siga crecendo este 2014 e tamén o ano próximo. E contribuirán a ese obxectivo de consolidar a recuperación e a creación de postos de traballo mediante a presentación dunha batería de beneficios fiscais dirixidos á contratación, á actividade cultural e a cuestións sociais.
Entre as melloras introducidas ao Proxecto de Lei,
Galego destacou especialmente os beneficios fiscais dirixidos a estimular a
contratación no fogar familiar e dos traballadores discontinuos. "Introdúcese
unha redución das cotizacións das persoas que prestan servizos no fogar familiar
e tamén se persegue incentivar a contratación dos traballadores discontinuos,
fundamentalmente no comercio e no turismo", expuxo.
De igual modo, Galego
fixo énfase nunha emenda destinada a garantir os fondos para os comedores
sociais, porque "queremos que estes non teñan dificultades de tesouraría". Tamén
se inclúe unha batería de beneficios fiscais dirixidos ás actividades culturais,
económicas e deportivas.
Galego incidiu en que as partidas presupostarias
para o ano próximo son continuístas coa política presupostaria desenvolvida ata
agora e que permitiu mellorar diversos aspectos da economía: "Agora está a
baixar o paro, canto antes subía; agora baixa o déficit do Estado e antes subía;
agora baixa a prima de risco, cando antes subía; agora hai crecemento positivo
da orde do 1,6% e antes o crecemento era negativo; agora estamos á cabeza de
Europa en crecemento e a actual política económica está a comezar a dar os seus
froitos".
Recibirá resposta
