Na presentación do libro "Discursos Parlamentarios de Gabriel Cisneros Laborda"

Onte asistín na Sala Constitucional do Congreso dos Deputados ao acto de presentación do libro "Discursos Parlamentarios de Gabriel Cisneros Laborda"

Unha obra da que son autores, os Letrados das Cortes, Ignacio Astarloa e José Luis Ruiz-Navarro.

No prólogo desta obra glosan o papel protagonista na transición de Gabriel Cisneros, que foi ademais relator da Constitución de 1978, ao que definen como "un político comprometido cos principios e os valores de concordia, conciliación e servizo á Nación Española"

Abriu o acto a súa filla Paula, e despois das palabras dos autores, interviron Fernando Rodriguez Lafuente que compartiu co homenaxeado, labores xornalísticos no diario ABC, e Eugenio Nassarre, deputado, que compartiu amizade e escano.

A continuación a presidenta de Aragón, Luisa Fernanda Rudi recordou que a posición de Gabriel Cisneros sobre unha pretendida reforma da Carta Magna era “que debería ser viable sen destruír a Constitución, respectando os seus piares fundamentais e cun amplo respaldo por parte do pobo español".

Logo falou o exministro Rodolfo Martín Villa, outro dos protagonistas da Transición, que sobre un posible cambio da Constitución, afirmou que debe facerse conforme ás regras que nela se fixan.

Fixo unha sensata  reflexión: “se a reforma e non romper as cousas foi conveniente para pasar daquela guerra civil que todos perderon a unha Transición que todos gañamos, parecería bo que nestes momentos poidamos reformar a Constitución, mesmo para aqueles españois que desexen deixar de selo. Se aquilo serviu para aquilo, moito máis ten que servir agora para facelo dende unha Constitución" da que todos nos podemos sentir orgullosos".

Pechou o acto o Presidente do Congreso, Jesús Posada que cualificou a Gabriel Cisneros como un "brillante deputado e un home bo" e "un dos protagonistas dunha etapa histórica na que se puxeron as bases para conseguir unha democracia plena en España".

Rematou citando unha atinada frase expresada por Cisneros nun debate das emendas do relatorio constitucional en xullo de 1978: "Temos todos suficientes problemas reais, aos que haberemos de facer fronte entre todos, como para poder permitirnos o luxo de inventar problemas artificiais".

Non podo estar máis de acordo con esta afirmación. Parabens aos autores desta publicación que prometo leer co máximo interés.

Si desexa facer algún comentario poder enviar un correo a celso.delgado@congreso.es 

Recibirá resposta