Onte pola mañá acudín a un acto que
presidiu a ministra de Fomento, Ana Pastor, en concreto a, a xornada de presentación do
informe da Comisión Técnico-Científica para o estudo
de melloras no sector ferroviario.
Unha Comisión de expertos, que preside Ignacio Barrón creada por unha
Orde Ministerial de 2 de agosto de 2013 do Ministerio de Fomento e que está
formada por un grupo de prestixiosos expertos de profesionais das distintas
especialidades relacionadas co ferrocarril.
Tiña como obxectivo elaborar un
informe que inclúa un estudo do sector ferroviario en España, a súa comparativa
con outros países do ámbito, o estudo da normativa existente, unha análise de
medidas para o reforzo e a mellora da seguridade, e elaborar propostas de
posible mellora.
Na apertura, a ministra afirmou estar moi satisfeita co
traballo realizado e cuns resultados e recomendacións que son "máis que simples
opinións, opinións autorizadas e fundadas no coñecemento que representan un
punto de vista profesional que axudará a tomar decisións políticas, económicas e
sociais".
Ana Pastor subliñou que o traballo da
comisión, formado por doce especialistas e dous recoñecidos expertos invitados e
na que colaborou unha cincuentena de profesionais e trinta institucións e
empresas, "afianzará un sistema ferroviario que xa se encontra entre os mellores
do mundo".
Así mesmo, destacou que o traballo da comisión cuxos integrantes
achegaron "independencia, rigor e a mellor consideración polo sector
ferroviario", será soporte para futuras tarefas e abre campos de traballo que se
abordarán en breve, para o que convocou aos expertos da comisión e a aqueles que
queiran colaborar neses labores.
A xornada, continuou cunha presentación
global do contido do Informe e coas presentacións de cada un das seccións en que
se dividiron os traballos da comisión, Sector Industrial Ferroviario Español,
Infraestrutura Ferroviaria Española, Superestrutura e Instalacións Ferroviarias,
Formación e a Investigación no Sector Ferroviario Español e Planificación Xeral
do Sector Ferroviario Español.
A xornada pechouse coa presentación das
conclusións a cargo do presidente da Comisión, Ignacio
Barrón e co acto de clausura que presidiu o Secretario de estado de Infraestructuras, Transporte e Vivenda, Rafael Catalá.
Polo que puiden escoitar, estamos ante un
traballo sumamente complexo e dificil, resultante de
seis meses de recollida de material, contraste de opinións, dicusións e debates sobre temas moi diferentes. Por outra
parte un labor altruísta e xeneroso destes expertos, que non peribiron emolumentos pola sua dedicación.
Vou ler tan pronto poida este informe, cos seus comentarios e recomendacións que dende unha perspectiva técnica e cientifica, axudarán ao desenvolvemento futuro do ferrocarril na nosa Nación.
Vou ler tan pronto poida este informe, cos seus comentarios e recomendacións que dende unha perspectiva técnica e cientifica, axudarán ao desenvolvemento futuro do ferrocarril na nosa Nación.
Si desexa facer algún comentario poder enviar un correo a celso.delgado@congreso.es
Recibirá resposta.
