Sobre a chegada do AVE a Zamora


Di este xornalista moi coñecedor dos temas ferroviarios que “o panorama sobre o futuro da nova conexión de alta velocidade a Galicia comeza a despexarse a medida que a situación económica do país empeza a clarexar”

Informa que “ADIF confirmou que o obxectivo é terminar a nova liña ferroviaria a finais do 2018, tal e como comprometeu o presidente do Goberno, Mariano Rajoy. E de momento a previsión é terminala en vía dobre” E engade que “Coxunturalmente, explican fontes do ADIF, o tramo que conecta Olmedo (Valladolid) con Zamora, previsto para abril do 2015, contará cun tramo central en vía única, o que vai desde Medina do Campo a Coreses (uns 70 quilómetros). Os dous extremos deste trazado (Olmedo-Medina e Coreses-Zamora) contarán con vía dobre desde o primeiro día da súa apertura”

Engade que “esta decisión, dado o número de frecuencias que hai actualmente entre Galicia e Madrid, e as que se esperan para o ano que vén -quizais un máximo de catro trens Alvia por sentido-, non afectará á redución de tempos que se esperaba trala apertura destes 96 quilómetros de liña de alta velocidade: entre media hora e corenta minutos, que deixarían a viaxe na contorna das cinco horas e media, un tempo moi competitivo co vehículo privado”

Acompaña a esta noticia un interesante e clarificador artigo do experto en temas ferroviarios, o ourensán, Xosé Carlos Fernández, que titula “Problemas coa vía única”

O reproduzo literalmente:

Sen un pronunciamiento oficial, as mensaxes que dimanan de Fomento permiten afirmar que a mediados de 2015, ano doblemente electoral, viaxaremos en tren de Galicia a Madrid nuns 40 minutos menos que na actualidade, pois se abrirán ao tráfico 96 quilómetros da nova liña de alta velocidade entre Olmedo e Zamora. Nese momento, o 58 % da liña ferroviaria entre Santiago e Madrid estará construída, aínda que non completamente habilitada para que circulen por ela os verdadeiros trens de alta velocidade. Tamén será historia a obsoleta, incómoda e a lenta inversión de marcha en Medina do Campo.

Desde Zamora ata Madrid utilizaremos 230 quilómetros de vía de ancho europeo, coa particularidade de que 70 deles entre Coreses e Medina percorreranse utilizando unha soa vía, pois Fomento, para optimizar os seus investimentos, así o decidiu. Debemos preguntarnos si iso supón algunha limitación para o bo servizo da liña e sobre todo para a seguridade das circulacións. A seguridade non sufrirá ningunha merma si, e só si, a liña constrúese completa coas dotaciones previstas no proxecto de Instalacións de enclavamiento, sistemas de protección do tren, control de tráfico centralizado, telecomunicacions fixas, GSM-R e instalacións de protección e seguridade no tramo Olmedo-Zamora. O caso de Angrois debería disuadir aos responsables de Fomento de xogar con lume unha vez máis.

En canto ao servizo, podemos estar tranquilos polo momento: a circulación de 4 trens diurnos de ida e outros tantos de regreso a Galicia, pois só unha maior redución de tempos esixiría o seu incremento, e o razoable establecemento dun par de Avants de ida e de volta entre Zamora e Madrid, totalizarán unhas 12 circulacións polo tramo de vía única. Este tráfico ocupará a vía única un máximo de seis horas ao día entre as 7 e as 10 da noite, quedando a vía dispoñible o 60 % restante da xornada. Non parece un problema”


 Termino cuns apuntes sobre a situación actual do tramo Olmedo-Zamora (95 Km):

 Están finalizadas todas as obras de plataforma salvo a do tramo da estación de Zamora, que está en execución. 

Estacións: están en execución as obras da fase 1 da remodelación da estación de Zamora e está en redacción o proxecto da nova estación de Medina do Campo.

E no tramo Zamora-Lubián (129 km algúns tramos en dúas vías separadas):

Todas as obras de plataforma atópase en ejecución, salvo o acondicionamiento do túnel de Padornelo (vía esquerda; 7,3 Km) que está en fase de redacción de proxecto. Está previsto que se licite este túnel cando entre en servizo a liña (na situación provisional os tráficos tanto de AVE (ancho UIC) como de Convencional (ancho ibérico) circularán polo túnel da outra vía, no que se montarán tres fíos).

Estacións: está en redacción o Proxecto do edificio da estación de Poboa de Sanabria.




Si desexa facer algún comentario poder enviar un correo a celso.delgado@congreso.es 
Recibirá resposta
Con la tecnología de Blogger.