Escoitando as demandas do sector de Perruquería

Esta mañá mantiven unha reunión de traballo cos representantes da Federación de Asociacións de Empresas de Perruquería, ás que asistiu Jesús Saiz (presidente da Federación Galega de Empresarios de Perruquería e Estética (Fepega); Ana Couso (presidenta da asociación de Pontevedra); Eduardo Souto (presidente dos perruqueiros de Lugo); Beatriz Gómez (a presidenta dos de Ourense), e José Suárez (representante dos da Coruña), por parte do sector de salóns de peiteado.

O obxecto principal deste encontro foi coñecer as preocupacións deste sector profesional en relación coa suba do IVE que afectou dende 1 de setembro de 2012 aos servizos de peiteado e que consideran que prexudicou aos seus negocios, como teñen expresado en recentes manifestacións.

Pola miña banda fixen un repaso ao devir histórico do IVE que gravou os servizos de peiteado a tipos reducidos dende 1999 ata 2012 e comentamos o Informe que en febreiro de 2014 presentaron os expertos fiscais ao Goberno e que dedica un amplo capítulo á imposición indirecta así como aos custos de seguridade social que tanto inciden nos salóns de peiteado.

Tomei cumprida nota e con interese das súas formulacións que trasladarei ás Administracións competentes. 

http://www.laregion.es/articulo/ourense/peluqueros-llaman-politicos-reducir-iva/20140408073038455831.html

http://www.lavozdegalicia.es/noticia/ourense/2014/04/07/peluqueros-contra-iva-21-/00031396895084693598762.htm

Si desexa facer algún comentario poder enviar un correo a celso.delgado@congreso.es 

Recibirá resposta.