Récord de viaxeiros transportados por RENFE na historia do AVE-LD

É noticia que onte a ministra de Fomento, Ana Pastor, tras unha visita ás instalacións do Centro de Xestión de Operacións de Renfe, anunciou que esta Compañía transportou esta Semana Santa un 18,3 % máis de viaxeiros nos seus trens AVE e Longa Distancia que nas mesmas vacacións de 2013.

A melloría nos datos de trens AVE foi aínda maior, do 21,8%. Ademais, durante esta Semana Santa a compañía rexistrou os catro días con máis viaxeiros na historia do AVE-LD.

Destacan os incrementos de viaxeiros nalgúns corredores de AVE, como o Madrid-Valencia cun 29,4%, o Madrid-Málaga, cun 22,2% ou o Sevilla-Valencia, cun 27,7%. A chegada da AVE a Alicante supuxo que a demanda do tren na viaxe Madrid-Alicante crecese o 51% fronte á Semana Santa anterior. Pola súa banda a AVE Madrid-Zaragoza-Barcelona creceu un 13%.

 Sen dubida unha excelente noticia que me consta tamén afectou as conexións de longa distancia entre Galicia e Madrid. 

Recordemos que desde a posta en marcha da nova política comercial e tarifaria de RENFE creceu o número de pasaxeiros, os ingresos e a ocupación. Así, os resultados do primeiro ano (feb 2013-feb 2014) foron que o AVE creceu en viaxeiros un 23,47%, ata os 14,9 millóns de pasaxeiros, e en ingresos o 6,95%, ata os 784 millóns de euros. E mellorou a ocupación media dos trens un 12,3% con 2.834.012 novos clientes nun só ano.

Parabens á Ministra e por suposto ao presidente de RENFE, Julio Gómez Pomar.

Si desexa facer algún comentario poder enviar un correo a celso.delgado@congreso.es 

Recibirá resposta.