No faladoiro de Radio Voz

Participei hoxe no habitual faladoiro de Radio Voz na que a moderadora, Antía Díaz Leal, propúxonos falar en primeiro lugar da problemática da pesquería da xarda. De entrada celebrei como onte mesmo chegaba a noticia de que na sexta rolda de negociacións en Londres dos Estados Costeros do atlántico Noroeste, alcanzábase un acordo nas autoridades pesqueras de Noruega e as Illas Feroe e a Comisión Europea. Neste acordo, España consegue unha cota de 40.473 toneladas de xarda.  Incremento que beneficiará ao cerco galego que dispoñerá este ano de 3.400 toneladas en total, cando o ano 2013 dispuxo de 1.600 toneladas. Dixen que a decisión que debe afrontar agora ao sector é o do reparto da cota entre o propio sector, tal e como ocorreu xa noutros territorios. Recordei que a disposición da Xunta ao diálogo é continua, coa man tendida para chegar a acordos en relación coa xestión da pesquería da xarda. Así o afirmou reiteradamente a conselleira do Medio Rural e do Mar, Rosa Quintana, tras reunirse cunha parte do sector do cerco onte en Santiago, xuntanza na que tamén estivo presente o vicepresidente da Xunta, Alfonso Rueda. A Xunta non pode máis que facer de intermediaria entre dúas partes do sector que están discutindo como se pode facer a mellor xestión da cota. Tamén falamos das protestas producidas diante do Parlamento de Galicia que desembocaron en actuacións violentas de manifestantes que deberon ser reprimidas pola Policía. Recordei que en España houbo en 2013 máis de 6.000 manifestacións, a inmensa maioría pacíficas e que só nunhas poucas houbo incidentes e foi necesario o uso da forza policial empregada polos axentes da Unidade de Intervención Policial, os antidisturbios. Afirmei que son inaceptables as accións violentas durante as manifestacións e que non é posible xustificar a violencia nin utilizala como pretexto ou coartada para defender as reivindicacións. E que hai qu distinguir entre o lexítimo exercicio dun dereito fundamental manifestándose pacíficamente --amparado pola Constitución-- e a actuación de persoas que se manifestan violentamente, contra os cales a policía actúa lexitima e exemplarmente. E sobre o proxecto de Lei de Seguridade Cidadá que quere aprobar o Goberno dixen que garante máis e mellor, xurídicamente, o dereito de manifestación. Pero tamén garante que persoas que esnaquizan mobiliario ou queiman contenedores sexan sancionados como corresponde, porque alteran a seguridade cidadá. Finalmente falamos do anuncio efectuado por Feijóo de que este mes a Xunta de Galicia dotarase dun cógio ético que protocolice o bo uso dos bens públicos e que restrinxa ou prohiba todo tipo de agasallos na administración pública. Valoreino como moi positivo, e manifestei o meu apoio total e convencimento en que será cumprido este compromiso pois busca protocolizar as responsabilidades que as leis non concretan e procurar unha conduta adecuada por parte dos cargos institucionais. Si desexa facer algún comentario poder enviar un correo a celso.delgado@congreso.es  Recibirá resposta.