Desde as 16,00 horas do 14 de xaneiro de 2013 celebrouse a Deputación Permanente do Congreso dos Deputados para decidir sobre sobre a convocatoria dun Pleno extraordinario e sobre a comparecencia ante as respectivas comisións dos ministros de Presidencia, Xustiza, Sanidade, Industria, Interior, Defensa, Emprego, Facenda, Fomento e Agricultura.
Foron moitos os temas debatidos. Cito algún deles:
O deputado do PP, Mario Mingo, negou que se exclúa da cobertura sanitaria aos emigrantes españois que se desprazan máis de 90 días fóra de España, polo que considera que a ministra do ramo, Ana Mato, non debía comparecer de forma extraordinaria para falar do tema no Congreso, como pedía o PSOE.
"Defendemos os intereses dos españois. Non temos por que pagar a sanidade aos estranxeiros que se han ir de España. Os cidadáns saben que teñen garantida a asistencia sanitaria por dereito, ou ata cando están de vacacións. Cando atopan traballo no estranxeiro teñen sanidade polos convenios europeos e a tarxeta sanitaria, non a perden ao volver".
O PP rexeitou tamén por "prematura" a comparecencia da ministra de Fomento, Ana Pastor, solicitada pola Esquerda Plural e o Grupo Mixto para explicar a súa intervención ante o Goberno de Panamá polas desavenencias coa empresa española Sacyr.
O deputado do PP, Andrés Ayala mostrouse partidario de "separar a palla do gran" porque o que se trata na Deputación Permanente é de dilucidar si esa comparecencia é urxente ou non, si é "imprescindible" convocala antes do 31 de xaneiro, antes do comezo do periodo ordinario de sesións.
Na súa opinión, a comparecencia agora da ministra é "inadecuada" e "prematura". A súa reacción, subliñou, foi "rápida, eficaz", como en ocasións anteriores, e a negociación aínda "debe dar os seus resultados".
Igualmente o GPP rexeitou á petición do PSOE de convocar unha sesión extraordinaria da Comisión de Interior para que o ministro, Jorge Fernández Díaz, detalle no Congreso a futura Lei de Seguridade Cidadá recordando que aínda non se pronunciaron os órganos consultivos, en concreto, o Consello Xeral do Poder Xudicial (CGPJ) e o Consello de Estado.
Tamnbién o GPP expreso a súa oposición a que a vicepresidenta do Goberno e os ministros de Xustiza e Sanidade acudan ao Congreso de forma urxente a dar explicacións sobre a reforma da lei do aborto. A deputada do PP Sandra Moneo sostivo que nin a lei actual de prazos outorga dereitos ás mulleres nin o anteproxecto aprobado polo Goberno "quítallos", á vez que insistiu en que "ninguén obriga ás mulleres a ser nais".
Afirmou que “a vida do non nado debe ser protexida "desde o primeiro momento" e asegurou que o seu grupo non ten "medo" ao debate, como ao seu xuízo ten o PSOE, ao que acusou de romper o consenso nesta materia.
http://youtu.be/4Qem-lbFziM
Interesante foi o debate no que o PP rexeitou a petición do PNV para que o ministro do Interior, Jorge Fernández Díaz, compareza este mes no Congreso para dar conta do "sentido, o interese e as circunstancias" que xustificaron a operación da Garda Civil contra o aparello de interlocución dos presos de ETA. E é que, ao seu xuízo, todos eses extremos están "claros" e son os nacionalistas vascos os que deberían explicar por qué convocaron unha manifestación conxunta con Sortu o pasado sábado en Bilbao.
Interesante foi o debate no que o PP rexeitou a petición do PNV para que o ministro do Interior, Jorge Fernández Díaz, compareza este mes no Congreso para dar conta do "sentido, o interese e as circunstancias" que xustificaron a operación da Garda Civil contra o aparello de interlocución dos presos de ETA. E é que, ao seu xuízo, todos eses extremos están "claros" e son os nacionalistas vascos os que deberían explicar por qué convocaron unha manifestación conxunta con Sortu o pasado sábado en Bilbao.
O deputado do PP por Vizcaya, Leopoldo Barreda, reprochou ao PNV que, máis aló de sentirse "decepcionados" coa marcha na que se escoitaron gritos en favor dos presos de ETA, non rectifique" a súa actitude de achegamento á esquerda abertzale.
"O sentido, interese e circunstancias da operación están claros; os que non o están son os do PNV, as súas ansiedades, os seus medos e quizais o seu vértigos ante as circunstancias", dixo Barreda.
Pasadas as 22,30 horas e chegado o momento das votacións, a Deputación Permanente do Congreso dos Deputados acordou incluír no Pleno extraordinario dos días 21 e 22 de xaneiro unha sesión de control ao Goberno, e aprobou as peticións de comparecencia do ministro de Industria, Enerxía e Turismo, José Manuel Soria para informar, entre outros asuntos, sobre a tarifa eléctrica; e da ministra de Emprego e Seguridade Social, Fátima Báñez, para que explique a conxelación do salario mínimo interprofesional e a Proposta de Recomendación do Consello da Unión Europea sobre o establecemento da Garantía Xuvenil.
Recibirá resposta.
|
