Hoxe tivo lugar o acto de firma do Convenio para o Fondo
Social de Vivendas (FSV) destinadas ao aluguer, nun acto presidido pola
Vicepresidenta Soraya Saénz de Santamaría.
O convenio conta co respaldo dos ministerios de Economía e Competitividade,
Sanidade e Servizos Sociais, e Fomento, así como do Banco de España, a
Federación Española de Municipios e Provincias (FEMP), a Plataforma para o
Terceiro Sector (Organizacións non Gobernamentais) as patronais bancarias e 33
entidades de crédito.
A posta en marcha do fondo dá cumprimento a encoménda ao Goberno incluída no
Real Decreto-lei 27/2012 sobre medidas urxentes para reforzar a protección de
deudores hipotecarios.
Na súa intervención, Soraya Sáenz de Santamaría, destacou que se poñerán case
6.000 vivendas a disposición de moitas familias que "están padecendo os
rigores dunha crise demasiado longa".
Este convenio, pretende paliar a
situación daquelas persoas que confiaron no futuro, investiron para sacar
adiante ás súas familias e ás que as cousas non lles foron ben non pola súa
irresponsabilidade senón porque a conxuntura económica non era a desexada e
perderon o que tiñan.
A Vicepresidenta subliñou que nunha situación de crise como a actual as
familias teñen dereito a volver empezar e a ter unha vivenda digna onde criar
aos seus fillos: "fomos xustos e equitativos e traballamos para dar unha
segunda oportunidade moito máis que merecida a todos os que arriscaron por
España, pola súa familia e non puideron saír adiante".
Considerou que a posta a disposición das familias de case
6.000 vivendas non supón un esforzo excesivo para as entidades financeiras,
senón que supón un esforzo solidario e conxunto dun país que quere que as
familias teñan nun fogar que lles faga sentir a cobertura e protección dos
poderes públicos.
Soraya Sáenz de Santamaría tamén comprometeuse
a facer un seguimiento da entrega de chaves do Fondo ás familias afectadas por
desahucios: "Quero saber mes a mes si esas chaves son de verdade a porta
da esperanza".
Sen dúbida unha boa
e agardada noticia para tantas familias en situación de extrema necesidade.
