O Congreso dos Deputados acolleu hoxe, ao termo do Pleno, unha Sesión Solemne en recordo e homenaxe ás Vítimas do Terrorismo.
Este acto celébrase por terceiro ano consecutivo tras a decisión adoptada o 11 de marzo de 2010, a través dunha declaración institucional subscrita por todos os grupos parlamentarios, de declarar o 27 de xuño como Día das Vítimas do Terrorismo.
A Sesión Solemne comezou cun discurso do presidente do Congreso dos Deputados, Jesús Posada que fixo un emocionado recordo ás vítimas do terrorismo e afirmou a gratitude que todos os españois debémoslles pola súa enteireza e firmeza para axudar á consolidación dun longo camiño cara á paz e defensa dos valores democráticos.
Logo postos en pié todos os que asistimos gardamos un minuto de silencio.
Unha vez finalizado o acto no Hemiciclo, os deputados, senadores e autoridades do Estado mantivemos un encontro cos representantes das vítimas do terrorismo, que tivo lugar no Salón de Pasos Perdidos.
