Gardamos en Ourense un minuto de silencio polas vítimas do accidente ferroviario de Adamuz (Córdoba) e o presidente do Executivo decretará esta tarde tres días de loito oficial

Esta mañá na práctica totalidade de España gardouse un minuto de silencio polas vítimas do gravísimo accidente ferroviario de Adamuz (Córdoba). Eu participei xunto a conceleliros de todos os Grupos na presenza que tivo lugar diante da Casa do Concello da cidade de Ourense.

"Todo o noso apoio ás vítimas e ás familias do tráxico accidente de Adamuz. En Galicia sabemos ben o que significa pasar por algo así, tamén o vivimos en Angrois, e non esquecemos a solidariedade que entón recibimos. Estamos con vós". Así se expresou o presidente da Xunta, Alfonso Rueda que gardpu co executivo galego un minito de silencio en San Caetano.

O presidente do Goberno, Pedro Sánchez anunciou que o Executivo decretará esta tarde tres días de loito oficial en todo o país, desde a medianoite de hoxe e ata as 24:00 horas do xoves 22 de xaneiro, en sinal de condolencia coas familias e persoas achegadas dos falecidos.

https://ourense.gal/gl/actualidad/o-concello-convoca-un-minuto-de-silencio-hoxe-luns-as-12-h-na-praza-maior-como-mostra-de-recordo-e-agarimo-polas-vitimas-do-accidente-ferroviario-de-adamuz