Onte a delegado do Goberno en Galicia, Pedro Blanco, deu unha rolda de prensa na Subdelegación do Goberno en Ourense, acompañado polo subdelegado Eladio Santos, e lannzou mensaxes notoriamente triunfalistas sobre os investimentos en infraestruturas nesta provincia, chegando a falar duns investimentos cifrados en 1.200 millóns de euros, pero sen facer un desagregado desta suma nin diferenciar entre licitación, adxudicación e execución. E sen acotar o espazo temporal ao que se referían os datos e mesmo computando investimentos noutras provincias.
Farei algúns comentarios sobre proxectos
mencionados:
Como xa teño dito sen dúbida
estamos ante unha moi boa noticia que celebro, pois levamos moitos anos desde o
PP insistindo en que se activarán os trámites administrativos e que se
producise esta licitación. Como resaltamos ata a saciedade estamos ante un proxecto absolutamente
necesario para garantir o saneamento do Río Barbaña, tratando cunha
instalación moderna e de maior capacidade as augas residuais dunha poboación
que foi aumentando notablemente e as das actividades industriais do maior
polígono da nosa provincia.
Pero o delegado do Goberno debe lembrar que a tramitación deste Proxecto tivo moitas
incidencias, erros, e a lamentable perda de financiamento con cargo ao FEDER
2014-2020, en contía de 14.889.406,18 €. Sobre todo, destacan as enormes
dilacións. Vexamos, o 6 de xullo de 2017 o Ministerio de Agricultura e Pesca,
Alimentación e Medio ambiente licitou a redacción do proxecto, que logo foi
contratado polo Ministerio para a Transición Ecolóxica en xullo de 2018. Houbo
que esperar ata o 18 de novembro de 2021 para que se sometese a información pública.
En xaneiro de 2022 polo presidente da CHMS, Sr. Quiroga e en
nota oficial anunciou que as obras se licitarían a finais de 2022 e tal cousa
evidentemente non ocorreu.
O 8 de febreiro de 2024, a Dirección Xeral de Calidade e
Avaliación Ambiental, formulou a declaración de impacto ambiental e o 14 de
xaneiro de 2025 o BOE publicou un Anuncio da Confederación Hidrográfica do
Miño-Sil, Ou.A., polo que se sometía novamente a información pública o citado
Proxecto. E finalmente o expediente do “Proxecto Finalización do Saneamento del
Río Barbaña. Mellora EDAR San Cibrao das Viñas- Fase II”, aprobouse
tecnicamente o 2 de abril de 2025.
Pedro Blanco falou tamén sobre as obras e o equipamento do novo Centro de Regulación de Circulación que estará na estación de San Francisco e que eu considero un investimento necesario para a substitución do CTC de Ourense e integralo na nova arquitectura de nodos redundantes do CTC Noroeste que ofrece unha maior versatilidade e permite aumentar considerablemente a dispoñibilidade.
Falou o delegado da modernización da liña Ourense-Monforte-Lugo na que acaba de coñecerse a noticia de finalización das obras do túnel de Oural. Pero compre dicir que o investimento mencionado de 626 millóns de euros se materializa principalmente na provincia de Lugo. As obras executadas na nosa provincia afectan ao traxecto entre Ourense e Os Peares. O tramo Ourense-Monforte de Lemos pertence á liña Monforte de Lemos-Bif. Chapela (línea 810) e ten unha lonxitude de 46 qm.
En todo caso compre sinalar que a distancia entre as dúas capitais do interior de Galicia percórrense hoxe en 01:53 e unha vez que finalicen todas as obras os tempos estarán en 01:30. É dicir os tempos de viaxe por esas melloras reduciranse tan só en 23 minutos.
En consecuencia, estamos ante unha renovación integral da liña Ourense-Monforte de Lemos-Lugo (117 km), para así conectar coa rede de alta velocidade en Ourense. Pero non podemos fala dunha “Nova liña de Alta Velocidade Ourense-Monforte de Lemos-Lugo” e lamentablemente tampouco de “velocidade alta” xa que non superará o 160 km/hora.
Pero se se construísen as dúas variantes de trazado, que foron comprometidas no seu día, Os Peares-Canabal e a de Rubián reduciríanse a maiores, os tempos de viaxe en 23 minutos e deixarían a conexión Ourense-Lugo en 1 hora e sete minutos.
O delegado lembrou de pasada, ademais, outros proxectos en
marcha na provincia, sen dar máis detalle:
Circunvalación do Barco de Valdeorras:
.jpg)
A formalización mediante documento administrativo tivo lugar o 12 de setembro de 2019, coa firma do contrato por ambas as partes. Con data 20 de setembro de 2019 procedeuse á firma da Acta de Comprobación de Reformulo, dando comezo o 21 de setembro de 2019 o prazo de execución das obras.
O 23 de setembro de 2022 cumpriuse o prazo contractual dos 36 meses, sen que a obras apenas avanzasen.
Vencidos xa oito meses de 2025 e despois de 6 anos contados desde a
formalización do contrato, estas obras están ralentizadas e non teñen data de finalización.
Variante exterior de Ourense
Debería ter falado o delegado dos antecedentes deste tan retrasado proxecto. Son estos:
O 9 de marzo de 2022, o Ministerio de Transportes, Movilidad
e Axenda Urbana adxudicou a unha UTE as obras do primeiro tramo do Variante
Norte de Ourense, A-56 entre Eirasvedras e Quintela. por un importe de 29,3 millóns de euros EUR
(con IVE) e por un prazo de
execución de 30 meses.
O 16 de setembro de 2022 a entón secretaria de Estado de
Transportes, Movilidad e Axenda Urbana, Isabel Pardo de Vera nun acto oficial
con tinguiduras claramente partidarias
colocou o fito conmemorativo do primeiro tramo do Variante Norte de Ourense,
A-56 entre Eirasvedras e Quintela sobre a base de que as obras comezaran o 17
de xuño dese ano.
Xa se cumpriron tres anos e cinco meses desde a adxudicación
polo MITMA do contrato e tres anos desde que se realizou o acto formal de
inicio das obras. A realidade é que as obras avanzan cansinamente e non comenzaron
os traballos nos viaduros singulares, e ademáis descoñecemos a data na que
concluirán as obras desta estrada de tan so 1,7 qm.
En definitiva, o goberno socialista que dirixe Pedro Sánchez acredita o seu desinterese en impulsar este primeiro tramo, a pesar da importancia que ten para a cidade de Ourense, posto que unha vez executada a Variante, solucionaría os problemas dá alta intensidade de tráfico que existen e posibilitaría o proxecto municipal de conversión do tramo liberado da N-120 nun boulevard termal, tan ansiado polos ourensáns.
Estación de alta velocidade de Ourense
Debería ter falado o degado dos antecedentes deste retrasado proxecto. Son estos:
Dezaseis meses despois do inicio formal das obras (segundo o Goberno o 17 de maio de 2024), as obras avanzan lentamente, Nos primeiros doce meses só se certificaron obras por importe de 1,395 millóns de euros (IVE incluído). En consecuencia, tendo en conta que o importe total do contrato é de 111,75 millóns de euros (IVE incluído), a suma certificada ata o 13 de maio de 2025 foi tan só do 1,25 %.
Non debemos esquecer nunca que, con catro anos de atraso,
ADIF-Alta Velocidade adxudicou as obras de ampliación e remodelación da nova
estación intermodal de Ourense., a pesar de que o executivo de Pedro Sánchez
comprometeu oficialmente que licitarían as obras no mes de xullo de 2019. Iso
non ocorreu e foron ano tras ano incumprindo.
Xa no seu día manifestamos e agora reiteramos a nosa
preocupación polo elevado prazo de duración deste contrato, 73 meses (6 anos e
un mes), de modo que no mellor dos casos levará a finalización das obras a un
afastado xuño de 2030.
É inxustificable que teñamos que esperar nove anos para ver terminadas en 2030 estas tan necesarias obras da estación de Ourense. E seguen sen atenderse as reiteradas e xustas demandas de taxistas e viaxeios da instalación por ADIF na praza da Estación Intermodal de Ourense una marquesiña povisional que lles protexa das inclemencias meteorolóxicas.
E farei algúns comentarios sobre algúns dos proxectos de infraestruturas non mencionados polo delegado do Goberno:
Autovía A-76
Esta autovía está totalmente marxinada despois de sete anos de Goberno de Pero Sánchez. Finalizados oito meses de 2025 segue sen licitar o primeiro tramo da A-76 entre Villamartín da Abadía e Requejo. Lembranos que o Goberno de Sánchez incumpriu flagrantemente os compromisos de licitar estas obras, primeiro en 2023 e logo en 2024. E seguen adiados completamente os proxectos restantes: O Barco-A Veiga de Cascallá e Requejo-A Veiga de Cascallá.
Autovía Ourense-Lugo
É inxustificable o abandono polo Ministerio de Transportes do tramo Cambeo-Sanmartiño, que leva 32 meses sen que o Ministerio de Transportes licite a redacción do proxecto de construción.
E finalmente asistimos a unha desidia monumental do MITMA xa que en 32 meses non quixo resolver o contrato de asistencia técnica coa empresa consultora redactora do proxecto do tramo Cambeo- Sanmartiño, desde que dixo que en xullo de 2022 procedera a iniciar a tramitación.
Concluíndo:
O Goberno de Pedro Sánchez decidiu non executar esta autovía , o que constitúe
ademais unha afronta á nosa provincial.
Carris de adiantamento na N-120 entre Os Peares e Ourense PPKK 548 al 564.
É inxustificable que o Ministerio de Transportes e Movilidade Sostible eluda compromer unha data certa de licitación das obras de “mellora da seguridade viaria na estrada N-120, coa implantación de 4,22 quilómetros de carrís adicionais entre os km 548,800 e 564,000, na provincia de Ourense
Lembrar o flagrante incumprimento do compromiso explicitado o 2 de marzo de 2023 polo secretario xeral de infraestruturas do Mitma, Xavier Flores, que rotundamente afirmara “que o obxectivo é poder licitar as obras correspondentes en 2023.”
Unha vez máis convén lembrar que o Mitma tardou desde novembro de 2017, 5 anos e dous meses en aprobar de forma provisional en xaneiro de 2023 o proxecto de trazado destes carrís tan esenciais para os usuarios da N-120, moi especialmente os que se moven entre Valdeorras, Monforte de Lemos e Ourense, xa que desde Os Peares e ata a capital provincial non poden adiantar o que supón incrementar a duración da viaxe entre 10 e 15 minutos.
Variante exterior de Ourense
Respecto das obras de plataforma contratadas por ADIF do tramo Taboadela-Túnel de Rante, dicir que non finalizarán – de cumprirse os prazos prorrogados- ata o 28 de xaneiro de 2026. E o seu custo incrementouse xa nun 13,73 % despois do modificado de 11,46 millóns de euros.
O Goberno socialista vénse negando a dar unha explicación convincente de cales son as razóns polas que estes proxectos xa redactados necesitan un “novo contrato” para “adaptalos á forte subida do prezo dos materiais e a aprobación da última normativa de obrigado cumprimento”
Adif-AV é un ente supertecnificado, con medios informáticos de primeira que
proporciona a actualización de prezos en liña e que non é necesario licitar
ningún novo contrato, Non busquen escusas nin nos traten como menores de idade
ou como indocumentados.
Pasos inferiores e superiores de mellora da permeabilidade da cidade de Ourense
Debería ter falado o delegado de que levamos agardando desde hai anos a licitación por ADIF das obras de mellora da permeabilidade da cidade de Ourense na Rúa de Ramón Puga (punto quiométrico 244/881 da líña ferroviaria Zamora-A Coruña) e na Rúa de Tarascón (p. k. 48/241 da liña Monforte-Vigo). A realidade é que non paran de buscar desculpas sen base para non facelo pese a que son demandas veciñais reiteradas e que hai un convenio asignado co Concello de Ourense.
