Os deputados ourensáns do Grupo Parlamentario Popular no Congreso rexistramos o pasado xoves a comparecencia do Ministro do Interior ante a Comisión de Interior coa finalidade de que informe urxentemente da crecente inseguridade que se vive nos barrios de A Ponte, O Pino e O Vinteún na cidade de Ourense e que os veciños afectados veñen reiteradamente denunciando e esixindo medidas ante os sucesivos episodios de furtos, roubos, usurpacións, etc. que sofren cada día, convertendo esta zona nun punto negro de conflitividade na cidade.
Esta situación de inseguridade está a causar malestar nos veciños que senten abandonados polas administracións e que saen ás rúas con medo polos altos niveis de delincuencia na zona.
Será a miña compañeira deputada Ana Vázquez, a que como voceira de interior no Congreso leve esta comparecencia cando teña lugar.
